ماسكالار بىرەگەي پاتەنتتەلگەن ۋلترادىبىستىق تەحنولوگيا بويىنشا نازارباەۆ ۋنيۆەرسيتەتى جانىنداعى تەحنوپاركتە شىعارىلادى. شىعارىلعان ماسكالار 99,99% باكتەريالاردى جانە 98,89% ۆيرۋستاردى جويۋعا كەپىلدىك بەرەدى. ايتا كەتۋ كەرەك, بۇل الەمنىڭ ءارتۇرلى ءىرى عىلىمي-زەرتتەۋ ورتالىقتارىنىڭ زەرتحانالىق زەرتتەۋلەرىمەن راستالعان.
سونىمەن قاتار, ماسكالار حالىقارالىق ستاندارتتارعا سايكەس كەلەدى.
وندىرۋشىلەردىڭ ايتۋىنشا, ماسكانىڭ قىزمەت ەتۋ مەرزىمى 1 جىل جانە 100 جۋ تسيكلىنەن كەيىن دە ءوزىنىڭ قاسيەتتەرىن جوعالتپايدى. پاندەميا كەزىندە "Qamqor Tech" كومپانياسى وزىق جانە بىرەگەي تەحنولوگيانى قولدانا وتىرىپ, جۇزدەگەن ادامداردىڭ ءومىرىن قۇتقارۋ ءۇشىن COVID-19 كۇرەسىنە قاتىسۋعا شەشىم قابىلدادى.
بۇگىنگى تاڭدا يزرايلدىك "Sonovia" كومپانياسىنىڭ ونىمدەرى ەۋروپا مەن اقش نارىقتارىن قامتيدى, ءوز كەزەگىندە "Sonomask" ۆيرۋسقا قارسى ماسكالارى تمد جانە وڭتۇستىك-شىعىس ازيا نارىقتارىندا قازاقستاندىق "Qamqor Tech" كومپانياسىنىڭ برەندىمەن ۇسىنىلاتىن بولادى.
"بۇگىنگى تاڭدا ينۆەستيتسيا سوماسى 140 ميلليون تەڭگەدەن اسادى جانە الداعى ۋاقىتتا ءوندىرىستى جاڭعىرتۋ, سونداي - اق وندىرىلەتىن ءونىمنىڭ اتاۋىن كەڭەيتۋ اياسىندا كوپتەگەن جۇمىستار اتقارىلادى", - دەپ حابارلادى كومپانيادان.
سونداي-اق, گۋمانيتارلىق كومەك اياسىندا يزرايلدىك "Sonovia" Ltd كومپانياسى COVID-19-مەن كۇرەستە العى شەپتە جۇرگەن دارىگەرلەرگە قورعانىس ماسكالارىن تاپسىردى. سونىمەن بىرگە, ۆيرۋسقا قارسى ماسكالار ۇلتتىق عىلىمي كارديوحيرۋرگيالىق ورتالىققا جانە نۇر-سۇلتان قالاسى دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ قاتىسۋىمەن 1-ءشى قالالىق اۋرۋحاناعا بەرىلدى.
