كەشە ۇلتتىق بانك توراعاسى ەربولات دوساەۆ ۇكىمەتتىڭ وتىرىسىندا تەڭگەنىڭ ايىرباس باعامى شىلدەنىڭ باسىنان باستاپ ءبىر دوللار ءۇشىن 404,07-دەن 418,31 تەڭگەگە دەيىن 3,5 پايىزعا تومەندەگەنىن ەسكە سالدى.
"ۇلتتىق ۆاليۋتاعا ىشكى قولداۋدى رەسپۋبليكالىق بيۋدجەتكە كەپىلدەندىرىلگەن ترانسفەرتتى ءبولۋ ماقساتىندا ۇلتتىق قوردىڭ اكتيۆتەرىن كونۆەرتاتسيالاۋ, سونداي-اق كۆازيمەملەكەتتىك سەكتور كومپانيالارىنىڭ ەكسپورتتىق ۆاليۋتا تۇسىمدەرىنىڭ ءبىر بولىگىن مىندەتتى تۇردە ساتۋ جونىندەگى كەڭەيتىلگەن شارالار قامتاماسىز ەتتى", دەدى دوساەۆ.
ناۋرىزدا ۇلتتىق ۆاليۋتا باعامىن تۇراقتاندىرۋ ماقساتىندا ۇكىمەت كۆازيمەملەكەتتىك سەكتوردىڭ ۆاليۋتا ءتۇسىمىنىڭ ءبىر بولىگىن ىشكى نارىقتا مىندەتتى تۇردە ساتۋ تۋرالى شەشىم قابىلداعان بولاتىن. بۇل شارا توتەنشە جاعداي كەزىندە قولدانىلادى جانە جارعىلىق كاپيتالىنداعى مەملەكەتتىڭ ۇلەسى 50% -دان اساتىن كۆازيمەملەكەتتىك سەكتور سۋبەكتىلەرىنە اسەر ەتەدى دەگەن ۇمىتپەن قابىلدانعان.
ۆاليۋتا تۇسىمدەرىنىڭ ءبىر بولىگىن ساتۋدى مىندەتتەۋ 26 ناۋرىزدا باستالدى. سودان بەرى ۇلتتىق ۇلتتىق كومپانياار 890 ملن اقش دوللارىن ساتتى. ونىڭ 195 ملن اقش دوللارىن شىلدە ايىندا ساتىلدى.ۇلتتىق قوردىڭ ترانسفەرتى باسىنان بەرى 3,6 ترلن تەڭگەنى قۇرادى, ونىڭ ىشىندە 455 ملرد تەڭگە شىلدە ايىندا ءبولىندى. ۇلتتىق بانكتىڭ حابارلاۋىنشا, دامۋشى ەلدەردىڭ ۆاليۋتالارىنىڭ قۇنسىزدانۋى شىلدە ايىندا جالعاستى. بۇعان ءبىرىنشى كەزەكتە پاندەميا اسەر ەتتى.
