ەكونوميكا • 11 تامىز، 2020

جىل باسىنان بەرى تاۋارلار ءوندىرىسى ءبىرشاما ءوستى

10 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قر 2020 جىلعى قاڭتار-شىلدەدەگى الەۋمەتتىك-ەكونوميكالىق دامۋىنىڭ قورىتىندىسى تۋرالى ۇلتتىق ەكونوميكا ءمينيسترى رۋسلان دالەنوۆ باياندادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلايدى، دەپ جازادى Egemen.kz

ر. دالەنوۆ اتاپ وتكەندەي، 2020 جىلعى قاڭتار-شىلدەنىڭ قورىتىندىسى بويىنشا تاۋارلار ءوندىرىسى 2،1%-عا ءوستى، سونىمەن بىرگە، كورسەتىلەتىن قىزمەتتەر 6،2%-عا قىسقاردى. ناتيجەسىندە، جەدەل دەرەكتەر بويىنشا، جالپى ىشكى ءونىم 2،9%-عا تومەندەدى. جىلدىق ينفلياتسيا 7،1% قۇرادى. بۇل كۇتىلگەن ينفلياتسيا دالىزىنەن تومەن (8-8،5%). ءمينيستردىڭ ايتۋىنشا، ەسەپتى كەزەڭدە كەلەسىدەي جاعىمدى ۇردىستەر بايقالۋدا.

"ەكونوميكانىڭ ناقتى سەكتورىندا ءوسىم جالعاسۋدا. ەڭ الدىمەن، قۇرىلىس، وڭدەۋ ونەركاسىبى جانە اۋىل شارۋاشىلىعى سالالارىندا. يمپورتتىڭ تومەندەۋى اياسىندا وڭ ساۋدا بالانسى ساقتالۋدا"، دەدى ر. دالەنوۆ.

سونىمەن قاتار، كارانتيندىك شەكتەۋلەرگە بايلانىستى سەرۆيستىك قىزمەتتەر كولەمىنىڭ قىسقارۋى، سونداي-اق مۇناي ءوندىرۋ قارقىنىنىڭ جوسپارلى تومەندەۋى بايقالادى، بۇل ەكونوميكانىڭ ءوسۋىن تەجەۋشى فاكتورى بولدى. وندىرىستىك سەكتوردا 2،1%-عا ءوسىم بايقالادى، ونىڭ ىشىندە قۇرىلىستا – 6،3%، وڭدەۋ ونەركاسىبىندە – 3،8%، اۋىل شارۋاشىلىعىندا – 2،5%-عا.  سونىمەن بىرگە، قىزمەتتەر سەكتورى سالالارىندا، ونىڭ ىشىندە جىلجىمايتىن م ۇلىكپەن جاسالاتىن وپەراتسيالار – 4،3%، اكىمشىلىك قىزمەتتەردى كورسەتۋ – 5،3%، ساۋدا – 11،9% جانە كولىك قىزمەتتەرى – 15،6% تومەندەۋ كورسەتتى. بۇل رەتتە، بايلانىس قىزمەتتەرى 8،7%-عا ارتتى. وسى جىلعى ماۋسىمىمەن سالىستىرعاندا، شىلدە ايىندا قىزمەت كورسەتۋدىڭ بىرقاتار سالالارىندا ءوسىم جالعاستى.

"ياعني، ءبىر ايدا قارجىلىق جانە ساقتاندىرۋ قىزمەتى 29%-عا، تۇرۋ جانە تاماقتانۋ بويىنشا قىزمەتتەر – 10،2%، دەرەكتەر بەرۋ – 6،7%، ۇيالى بايلانىس – 4،1%، ينتەرنەت جەلىسى 2،9%-عا ءوستى. سونداي-اق جۇك اينالىمى 5،6%-عا، ونىڭ ىشىندە تەمىر جول كولىگىمەن تاسىمالداۋ – 5،5%-عا، قۇبىرلارمەن تاسىمالداۋ – 2،9%-عا ءوستى"، دەدى مينيستر.

قاڭتار-ماۋسىمدا سىرتقى ساۋدا اينالىمى $42،5 ملرد قۇرادى. ەكسپورت $26 ملرد، يمپورت $16،5 ملرد قۇرادى. ساۋدا بالانسىنىڭ وڭ سالدوسى $9،5 ملرد دەڭگەيىندە ساقتالۋدا. ونەركاسىپ ءوندىرىسى 1،3%-عا، ونىڭ ىشىندە وڭدەۋ ونەركاسىبى 3،8%-عا ۇلعايدى. بۇل رەتتە مۇناي ءوندىرۋ قارقىنىنىڭ جوسپارلى تومەندەۋى ناتيجەسىندە تاۋ-كەن ءوندىرۋ ونەركاسىبى 0،4%-عا تومەندەدى. ونەركاسىپ بويىنشا ءوسىم كوپتەگەن وڭىرلەردە بايقالادى. ەڭ كوپ ءوسىمدى سولتۇستىك قازاقستان جانە قوستاناي وبلىستارى، سونداي-اق نۇر-سۇلتان قالاسى كورسەتتى. وڭدەۋ ونەركاسىبى وزىق قارقىنمەن وسۋدە. ءوسىم 3،8% قۇرادى. بۇل ءوسىم نەگىزىنەن فارماتسەۆتيكانىڭ، دايىن مەتالل بۇيىمدارىن ءوندىرۋدىڭ، ماشينا جاساۋدىڭ، ونىڭ ىشىندە اۆتوموبيل جاساۋدىڭ، جەڭىل ونەركاسىپتىڭ وسۋىمەن قامتاماسىز ەتىلدى. وڭىرلەر بويىنشا جوعارى ءوسىم قوستاناي، تۇركىستان، سولتۇستىك قازاقستان وبلىستارىندا بايقالادى.

ر. دالەنوۆ اتاپ وتكەندەي، ەسەپتى كەزەڭدە نەگىزگى كاپيتالعا 6،1 ترلن تەڭگە سوماسىندا ينۆەستيتسيا تارتىلدى. 13 ءوڭىر ءوسىم كورسەتتى. ەڭ جوعارى ءوسىم اقمولا، سولتۇستىك قازاقستان، تۇركىستان وبلىستارىندا جانە شىمكەنت قالاسىندا بايقالادى. قۇرىلىس 6،3%-عا ۇلعايدى. قۇرىلىس جۇمىستارىنىڭ جوعارى ءوسۋى شىمكەنت قالاسىندا جانە تۇركىستان وبلىسىندا بايقالادى. 7 ملن شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 7،5%-عا كوپ. ر. دالەنوۆ اتاپ وتكەندەي، وڭىرلەردە 7 ەكونوميكالىق كورسەتكىش بويىنشا جالپى جاعداي كەلەسىدەي. ەكى كورسەتكىش بويىنشا (ساۋدا جانە كولىك سالالارى) كارانتيندىق شارالارعا بايلانىستى تومەندەۋ بايقالۋدا. 5 كورسەتكىش بويىنشا 7 وڭىردە ءوسۋ بايقالادى. ولار - اقمولا، الماتى، شىعىس قازاقستان، جامبىل، قوستاناي، ماڭعىستاۋ جانە سولتۇستىك قازاقستان وبلىستارى. 4 كورسەتكىش بويىنشا 7 وڭىردە ءوسۋ تىركەلدى. بۇل ورتاشا دەڭگەي. ال، 3 وڭىردە 3 كورسەتكىش بويىنشا عانا ءوسۋ بايقالادى. ولار - اتىراۋ، باتىس قازاقستان جانە قىزىلوردا وبلىستارى. ەكونوميكالىق بەلسەندىلىكتى قالپىنا كەلتىرۋ جونىندە قابىلدانىپ جاتقان شارالاردى ەسكەرە وتىرىپ، ورتالىق جانە جەرگىلىكتى اتقارۋشى ورگاندار مىناداي اسپەكتىلەرگە نازار اۋدارۋى قاجەت.

  1. 2020 جىلعا ارنالعان ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپاردى ۋاقىتىلى جانە ءتيىمدى ىسكە اسىرۋدى قامتاماسىز ەتۋ.
  2. وڭىرلىك داعدارىسقا قارسى شتابتاردا كاسىپكەرلەردىڭ پروبلەمالىق ماسەلەلەرىن مۇمكىن بولاتىن قولداۋ شارالارىن كورسەتۋ تۇرعىسىنان قاراۋ.
  3. ەگىننىڭ ۋاقىتىلى جينالۋىن جانە قۇرىلىس جۇمىستارىنىڭ ماۋسىمىن ءتيىمدى پىسىقتاۋدى قامتاماسىز ەتۋ.
  4. مونيتورينگ، ينتەرۆەنتسيا جۇرگىزۋ، شەكتى باعالاردى بەلگىلەۋ ارقىلى الەۋمەتتىك ماڭىزى بار ازىق-ت ۇلىك تاۋارلارىنا باعانىڭ وسۋىنە جول بەرمەۋ.
  5. وڭىرلىك ەڭبەك نارىقتارىنداعى احۋالعا تۇراقتى مونيتورينگ جۇرگىزۋ جانە مەملەكەتتىك باعدارلامالار جوبالارىن ىسكە اسىرۋدا بارىنشا جۇمىسپەن قامتۋ.
سوڭعى جاڭالىقتار

2177 ادام كوروناۆيرۋستان جازىلىپ شىقتى

كوروناۆيرۋس • بۇگىن، 09:22

ايالداما تۇنعان اقپارات

ايماقتار • بۇگىن، 08:35

تۇراقتى تابىس دامۋعا باستايدى

ەكونوميكا • بۇگىن، 08:24

ۇلت ۇستازىنا قاتىستى جادىگەرلەر

رۋحانيات • بۇگىن، 08:18

ساۋدا ۇيلەرىندە ەكپە سالادى

ايماقتار • بۇگىن، 08:07

بانك اكتيۆتەرى كوبەيدى

ەكونوميكا • بۇگىن، 08:00

سۋ تاسقىنىنا ازىرلىك

وقيعا • بۇگىن، 07:52

ءۇشىنشى رەت جۇدىرىقتاسادى

سپورت • بۇگىن، 07:38

كەلەسى كەزەڭگە شىقتى

تەننيس • بۇگىن، 07:37

ءتۇتىن تۇمشالاعان قالا

ەكولوگيا • بۇگىن، 07:35

گەس-ءتىڭ ساتىلۋىنا قارسى

قوعام • بۇگىن، 07:23

ساندىقتان جيناققا دەيىن...

اباي • بۇگىن، 07:22

شاڭىراق شاتتىعىن بۇيىرتقان

ەكونوميكا • بۇگىن، 07:17

قانداستار قامقورلىققا ءزارۋ

قازاقستان • بۇگىن، 07:15

ءتورت كلۋب توپ باستاپ تۇر

فۋتبول • بۇگىن، 00:00

ەزوپ پەن اباي

رۋحانيات • كەشە

شىندىق پەن وتىرىك

قازاقستان • كەشە

ۇقساس جاڭالىقتار