جاڭا ايتۆ ينفەكتسياسىن جۇقتىرۋ جاعدايلارىنىڭ سانىن ازايتۋ جانە ايتۆ-دان قايتىس بولۋ دەڭگەيىن تومەندەتۋ ءۇشىن USAID ەلدەگى ايتۆ ينفەكتسياسىنىڭ ءوسۋ قارقىنى ەڭ جوعارى شىعىس قازاقستان جانە پاۆلودار وبلىستارىندا جۇمىس اتقاردى. سوڭعى بەس جىلدا USAID 10 مىڭ ادامدى ايتۆ-عا تەكسەردى, ولاردىڭ 600-گە جۋىعى وزدەرىنىڭ وڭ ايتۆ-ستاتۋسى تۋرالى ءبىلدى. وسى جوبا ارقىلى ايتۆ تالداۋى وڭ ناتيجە بەرگەن تاعى 3 مىڭ ادام ومىرلىك قاجەتتى ەم قابىلداي باستادى. اتالعان شارالار قازاقستانعا «يۋنەيدس 90-90-90 ماقساتتارىنا» قول جەتكىزۋگە كومەكتەسەدى ءارى ەلدى جيتس ىندەتىمەن كۇرەستىڭ مارەسىنە جاقىنداتادى.
«قازاقستان ۇكىمەتى ايماقتاعى ايتۆ/جيتس-كە قاتىستى ماسەلەلەرگە باسشىلىق ەتىپ, ونىمەن كۇرەسۋ شارالارىنىڭ كوپ بولىگىن قارجىلاندىرادى. قازاقستانمەن بىرگە جۇمىس ىستەگەن كەزدە قىزمەتىمىزدىڭ ەكونوميكالىق ءتيىمدى ءارى ناتيجەلى بولۋىن ماقسات تۇتامىز. ايتۆ-عا قۇپيا تەستىلەۋ مۇمكىندىكتەرىن قولدانۋ ءالى دە ماسەلە بولىپ وتىر. تالاي ادام بۇرىنعىداي اۋىرعاننان جانە وزىندە اۋرۋ بەلگىلەرىن انىقتاعاننان كەيىن عانا تەستىلەۋدەن وتۋدە», دەدى ورتالىق ازياداعى USAID ايماقتىق ميسسياسىنىڭ ديرەكتورى كريستوفەر ەدۆاردس.
USAID ۇسىنعان قازاقستانداعى ۇكىمەتتىك ەمەس ۇيىمدارعا (ۇەۇ) ارنالعان حالىقتىڭ نەگىزگى توپتارى اراسىنداعى جۇمىستى تىركەيتىن اقپاراتتىق باسقارۋ جۇيەسى اتقارىلعان قىزمەتتەردىڭ ساپاسىن جاقسارتۋعا مۇمكىندىك بەرەدى. ۇەۇ ولاردى باسقا جوبالاردا جانە الەۋمەتتىك مەملەكەتتىك تاپسىرىستاردا بەلسەندى قولدانا باستايدى, بۇل ايتۆ-مەن كۇرەسۋگە ازاماتتىق قوعامنىڭ ۇلەسىن ارتتىرۋعا مۇمكىندىك بەرەدى», دەدى دەنساۋلىق ساقتاۋ مينيسترلىگىنىڭ قازاق دەرماتولوگيالىق جانە ينفەكتسيالىق اۋرۋلار عىلىمي ورتالىعىنىڭ ديرەكتورى باۋىرجان بايسەركين.
USAID پاتسيەنتتەردى جەتەلەۋگە جانە ايتۆ-عا تەستىلەۋگە ارنالعان يننوۆاتسيالىق تاسىلدەردى ەنگىزدى. 2019 جىلدىڭ قاراشاسىنان باستاپ USAID ۇەۇ ارقىلى ەكسپرەسس-تەستىلەۋ مەن وزدىگىنەن تەستىلەۋ شارالارىن ەنگىزۋگە كومەكتەستى, بۇل 500-دەن استام ادامدى تەستىلەۋگە مۇمكىندىك بەردى. سونىمەن قاتار USAID قازاقستانداعى ۇەۇ-دار ءۇشىن حالىقتىڭ نەگىزگى توپتارى اراسىندا ايتۆ ىندەتىن قاداعالاۋ مەن باقىلاۋدا ۇستاۋعا كومەكتەسەتىن اقپاراتتىق باسقارۋ جۇيەسىن ۇسىندى. اقش ۇكىمەتى USAID ارقىلى 2003 جىلدان باستاپ اقش پرەزيدەنتىنىڭ جيتس-پەن كۇرەسۋ جونىندەگى توتەنشە جوسپارىنا سايكەس قارجىلاندىرىلاتىن قازاقستانداعى ايتۆ-مەن كۇرەسۋ باعدارلامالارىنا قولداۋ كورسەتەدى, مۇنىڭ ەڭ سوڭعى مىسالى USAID-ءتىڭ ورتالىق ازياداعى ايتۆ بويىنشا «فلاگمان» باعدارلاماسى شەڭبەرىندە قولداۋ كورسەتۋ بولىپ تابىلادى.
الماتى
