پد وتكىزىلگەن ءىس-شارالارعا ءتارتىپ ساقشىلارىمەن قاتار, ولاردىڭ بالالارى دا قاتىستى. اتاپ ايتساق, دەپارتامەنتتىڭ الەۋمەتتىك جەلىلەرىنىڭ اككاۋنتتارىندا پوليتسيا قىزمەتكەرلەرىنىڭ بالالارى اباي شىعارمالارىن جاتقا وقىعان بىرەگەي جوبانى ىسكە اسىردى. جوبانى العاشقى بولىپ ۇيىمداستىرۋشىلىق-ينسپەكتورلىق ءبولىمىنىڭ باستىعى جىبەك بۋرباسوۆانىڭ ۇلى ءانۋار قايىربولات باستاسا, پەتروپاۆل قالاسى پب باستىعىنىڭ ورىنباسارى ساعىندىق تەمىرەۆتىڭ نەمەرەسى باقداۋلەت ەرجان "جاسىمدا عىلىم بار دەپ ەسكەرمەدىم" ولەڭىمەن جالعاستىرىپ كەتتى. ءىس-شارادان سقو پد اقپاراتتاندىرۋ جانە بايلانىس باسقارماسىنىڭ ينسپەكتورى گۇلميرا مۇستافينانىڭ ۇلى امانات سايران دا تىس قالمادى, ول ابايدىڭ ون التىنشى, ون سەگىزىنشى, جيىرما ءتورتىنشى قارا سوزدەرىن شەبەرلىكپەن جاتقا وقىپ شىقتى. اقىننىڭ "عىلىم تاپپاي ماقتانبا" ولەڭىن وقىعان اقپاراتتاندىرۋ جانە بايلانىس باسقارماسىنىڭ اعا ينسپەكتورى ايگۇل ءسابيتوۆانىڭ قىزى ايزەرە ءسابيت ءىس-شارانىڭ ەڭ كىشكەنتاي قاتىسۋشىسى بولدى. پوليتسيا قىزمەتىنىڭ اعا ينسپەكتورى نۇرقانوۆا راۋشاننىڭ قىزى دايانا بەليالوۆا "عىلىم تاپپاي ماقتانبا" تۋىندىسىن اعىلشىن تىلىندە وقىدى.
قىزمەتكەرلەردىڭ بالالارى ديار سۇلتان, اڭسار ءومىرجانوۆ, تاميلا باعىت, بەكتاس ويرات, اسىلتاس ناۋشينا جانە ت.ب. ستۋدياعا تۇسىرىلىمگە كەلىپ, ءىس-شاراعا زور قىزىعۋشىلىقپەن قاتىستى.
سولتۇستىك قازاقستان وبلىسى
