قازاقستان • 10 تامىز، 2020

200 مىڭ ناۋقاسقا جەتەتىن ءدارى-دارمەكتىڭ 50 ءتۇرى ازىرلەندى

19 رەت كورسەتىلدى

بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ايتتى، - دەپ حابارلايدى Egemen.kz 

تامىز ايىنىڭ العاشقى 10 تاۋلىگىندە پتر سىناقتىڭ تەرىس ناتيجەسى بار كۆي-دىڭ 13 280 ادام تىركەلدى، ونىڭ 164-ءى قايتىس بولدى. جالپى تاۋلىكتە 159 ادام ناۋقاس تىركەلدى، ونىڭ 12-ءسى قايتىس بولدى.

"پروۆيزورلىق ورتالىقتاردا جەدەل ارەكەت ەتۋ ءۇشىن مەدقىزمەتكەرلەردى دايىنداۋدان بولەك، ءدارى-دارمەكتەرمەن تولىقتىرۋ بويىنشا اۋقىمدى جۇمىس اتقارىلۋدا. كۆي-قا ۇقساس بەلگىلەرى بار پنەۆمونيامەن سىرقاتتانعان ناۋقاستار ءۇشىن الدىن الا ءبىر ايلىق قورعا ەسەپتەلىنگەن اپپاراتتار ساتىلىپ الىندى. 8،7 ملرد بولاتىن 91 ءتۇرلى ءدارى-دارمەكتەر جونەلتىلدى. بۇل ورتاشا 40 مىڭ ناۋقاسقا جەتەدى"، دەدى ب. قوجاحمەتوۆ.

15 تامىزدان باستاپ تاعى دا ەكى ايعا جەتەتىن قور ازىرلەنۋدە. ستاتسيونارداعى 200 مىڭ ناۋقاسقا جەتەتىن ءدارى-دارمەكتىڭ 50 ءتۇرى ازىرلەندى. سونىمەن قاتار، امبۋلاتورلىق جاعدايدا ەم الاتىن ناۋقاسقا ەمدەۋگە ارنالعان ءدارى-دارمەكتىڭ 5 ءتۇرىن ساتىپ الۋ ءۇردىسى اياقتالۋدا. ءدال وسىنداي اۋقىمدى شارالار العاشقى رەت قابىلدانىپ وتىر.

"سىرقاتتانىپ، ۆيرۋس جۇقتىرۋ بويىنشا كۇدىكتەنسەڭىز، تىركەلگەن اۋرۋحاناڭىزعا بارىپ قارالساڭىز بولادى. ەگەر ۆيرۋس جۇقتىرعانىڭىز انىقتالسا، بۇرىنعىداي ءدارىحانا جاعالاپ جۇرمەي-اق قويىڭىزدار! اتاپ ايتقاندا، اۋرۋدىڭ اسقىندىرماي، قاجەتتى پاراتسەتامول، يبۋپروفەن جانە باسقا دا سىندى پرەپاراتتار ەلىمىزدىڭ بارلىق ەمحانالارعا جەتكىزىلەدى. ءدارى-دارمەكتەردى جەتكىزۋ "سك-فارماتسيا" كومپانياسىمەن جۇرگىزىلىپ جاتىر"، دەدى دسم وكىلى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار