ونلاين-كونفەرەنتسيا ۇلى اقىننىڭ 175 جىلدىق مەرەيتويىنا جانە 10 تامىز "اباي كۇنىنە" ورايلاستىرىلعان.
عىلىمي كونفەرەنتسياعا قحا توراعاسىنىڭ ورىنباسارى – حاتشىلىق مەڭگەرۋشىسى ج.ق.تۇيمەباەۆ, قولدانبالى ەتنوساياسي زەرتتەۋلەر ينستيتۋتىنىڭ ديرەكتورى ت.ب.قاليەۆ, قازاقستان حالقى اسسامبلەيانىڭ عىلىمي-ساراپشىلىق كەڭەسىنىڭ ءتورايىمى, الەۋمەتتانۋ عىلىمىنىڭ دوكتورى ا.ك.سادۋاقاسوۆا, سونداي-اق تۇركيا, وزبەكستان, قىرعىزستان, ازەربايجان مەملەكەتتەرىنەن ابايتانۋشى-عالىمدار مەن تاريحشىلار, قحا عىلىمي-ساراپشىلىق كەڭەسىنىڭ مۇشەلەرى جانە زيالى قاۋىم وكىلدەرى قاتىستى.
اسسامبلەيا توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ ۇكىمەت قاۋلىسىمەن بەلگىلەنگەن جاڭا مەرەكە "اباي كۇنىمەن" قۇتتىقتاي وتىرىپ, جاڭا مەرەكەنىڭ ماڭىزدىلىعى مەن اقىن مۇرالارىنىڭ قوعامدىق كەلىسىم مەن ەتنوسارالىق تۇراقتىلىقتى نىعايتۋداعى رولىنە توقتالدى.
"بۇگىن ءبىز قازاق حالقىنىڭ ۇلى پەرزەنتى جانە جاھاندىق اۋقىمداعى تۇلعا – اباي قۇنانباي ۇلىنىڭ 175 جىلدىعىن اتاپ وتۋدەمىز. ۇلى اقىن ويشىل, فيلوسوف, اعارتۋشى, تاريحشى, اۋدارماشى, كومپوزيتور, قوعام قايراتكەرى رەتىندە قازاقستان تاريحىندا جانە الەم حالىقتارىنىڭ جادىندا ماڭگىلىك ساقتالادى. تۇڭعىش پرەزيدەنتىمىز – ەلباسى نۇرسۇلتان نازارباەۆ ءوزىنىڭ "اباي تۋرالى سوزىندە" ايتقانىنداي, "اباي – الەمدىك تاتۋلىق پەن ىنتىماققا ءوز ۇلەسىن كوساتىن رۋحاني مامىلەگەر ءارى گۋمانيست".
راسىندا, اباي – الەمنىڭ بىرلىگىن, شىعىس پەن باتىستىڭ تاتۋلىعىن كوكسەگەن, حح عاسىردىڭ باسىنداعى قوعامدىق-ساياسي ويدىڭ دامۋىنا ىقپال ەتكەن بيىك تۇلعا. ونىڭ اتى مەن وي-تولعامدارى قازاق حالقىنىڭ عانا ەمەس, بۇكىل ادامزاتتىڭ يگىلىگىنە اينالدى. سوندىقتان ۇكىمەت قاۋلىسىمەن 10 تامىز كۇنى – "اباي كۇنى" بولىپ بەكىتىلدى. بۇل كۇن – تەك قانا تۇلعانى ەسكە الۋ كۇنى ەمەس, بۇل كۇن ادامزاتتىق وي مەن رۋحانياتىنىڭ, ونەر مەن ادەبيەتىنىڭ, بىرلىك پەن ىنتىماقتىڭ جانە دوستىق پەن باۋىرمالدىقتىڭ كۇنى بولىپ اتالادى", - دەدى ول.
