اتاپ ايتار بولساق, 11 تامىز كۇنى فينليانديانىڭ تۋركۋ قالاسىندا پااۆو نۋرمي اتىنداعى تۋرنير باستالادى. ال ءۇش كۇننەن سوڭ موناكودا "گاۋھار ليگاسىنىڭ" قىسقارتىلعان نۇسقاسى Herculis EBS جالاۋىن كوتەرەدى.
ۇيىمداستىرۋشىلار جارىس بارىسىندا بارلىق قاۋىپسىزدىك شارالارى ساقتالاتىنىن ايتۋدا. قاتىسۋشىلاردىڭ بارلىعى قاتاڭ تەكسەرۋدەن ءوتىپ, COVID-19 ۆيرۋسىنا تەست تاپسىرادى.
ء"بىز ءدال قازىرگىدەي دامىلسىز جۇمىس ىستەمەگەن شىعارمىز. جاعدايدىڭ قانشالىقتى قيىن بولعانىن تۇسىندىرە المايمىن. اسىرەسە, شەنگەن ايماعىنىڭ قاۋىپسىز ەلدەر تىزىمىنە ءالى ەنبەگەن اقش, ۋگاندا, كەنيا سپورتشىلارىمەن كەلىسىمگە كەلۋ وڭاي سوقپادى", - دەيدى موناكوداعى كەزدەسۋ ديرەكتورى جان-پەر شەبەل.
