رۋحانيات • 09 تامىز، 2020

اباي قۇنانباي ۇلىنىڭ 175 جىلدىق مەرەيتويى قالاي اتاپ وتىلەدى؟

مەملەكەت باسشىسى قاسىم-جومارت توقاەۆ اباي قۇنانباي ۇلىنىڭ 175 جىلدىعىندا ارنالعان "اباي جانە XXI عاسىرداعى قازاقستان" اتتى ماقالاسىندا: "بيىل اباي قۇنانباي ۇلىنىڭ تۋعانىنا 175 جىل تولادى. حالقىمىزدىڭ ۇلى پەرزەنتىنىڭ مەرەيتويىن لايىقتى اتاپ ءوتۋ ءۇشىن ارنايى قۇرىلعان كوميسسيا دايىندىق جۇمىستارىن باستاپ كەتتى. مەملەكەت كولەمىندە جانە حالىقارالىق دەڭگەيدە اۋقىمدى ءىس-شارالار ۇيىمداستىرۋ جوسپارلانىپ وتىر. بىراق مۇنىڭ ءبارى توي تويلاۋ ءۇشىن ەمەس، وي-ءورىسىمىزدى كەڭەيتىپ، رۋحاني تۇرعىدان دامۋىمىز ءۇشىن وتكىزىلمەك"، دەيدى پرەزيدەنت. بۇل تۋرالى مسم ءباسپاسوز قىزمەتى حابارلايدى، دەپ جازادى Egemen.kz

سۇڭعات ءالىپباي

ايتا كەتەيىك، 10 تامىز اباي كۇنى رەتىندە بەلگىلەنىپ، قازاقستان رەسپۋبليكاسىنىڭ مەملەكەتتىك مەرەكەلەر كۇنتىزبەسىنە ەنگىزىلگەن بولاتىن.

Əلەمدىك كوروناۆيرۋس پاندەمياسىنا بايلانىستى بارلىق ءىس-شارا ونلاين فورماتتا ءوتىپ جاتقانى بەلگىلى. 10 تامىز كۇنى دە حاكىم اباي مەرەيتويى اياسىنداعى رەسپۋبليكا كولەمىندەگى بار ءىس-شارا ونلاين تۇردە ۇيىمداستىرىلادى.

سونىمەن 10 تامىزعا سەمەيدەگى ابايدىڭ "جيدەباي-ءبورىلى" مەملەكەتتىك تاريحي-مəدەني جəنە əدەبي-مەموريالدىق قورىعى "حاكىم اباي" اتتى ارنايى مəدەني باعدارلاما دايىنداپ، ءىس-شارالار لەگىن Qazaqstan ۇلتتىق تەلەارناسىنداعى "تاڭشولپان" باعدارلاماسى ارقىلى تىكەلەي ەفيرگە شىعۋمەن باستايدى. وسىدان كەيىن مەرەكە وڭىرلەردەگى تانىمال مəدەنيەت جəنە ونەر قايراتكەرلەرىنىڭ اباي شىعارمالارىن وقۋىمەن جالعاسادى.

دəل وسى كۇنى سەمەيدەگى "جيدەباي-ءبورىلى" مەملەكەتتىك تاريحي-مəدەني جəنە əدەبي-مەموريالدىق قورىعىندا "اباي جانە ءححى عاسىر: بولاشاقپەن سۇحبات" اتتى حالىقارالىق كونفەرەنتسيا وتەدى. جيىنعا تانىمال عالىمدار، ابايتانۋشىلار، رەسەي فەدەراتسياسى Əدەبيەت اكادەمياسىنىڭ اكادەميگى گ. پرياحين، ءتۇرلى مəدەني جəنە جوو باسشىلارى قاتىسادى.

سونىمەن قوسا تəۋلىك بويى ينتەرنەت ارقىلى اباي قورىق-مۋزەيى، "اباي-شəكəرىم" كەسەنەسىنە ۆيدەوەكسكۋرسيا جاساۋعا، اباي مۋزەيىندەگى ەكسپوناتتار جايلى ءتۇرلى بەينەباياندار تاماشالاۋعا بولادى.

جىل باسىنان بەرى اقىننىڭ تۋىپ وسكەن ولكەسىندە اباي ەسىمىمەن بايلانىستى تاريحي-مəدەني مۇرا نىساندارعا عىلىمي رەستوۆراتسيا جۇمىستارى جۇرگىزىلىپ جاتقانىن ايتا كەتۋ كەرەك.

سونىمەن قاتار 10 تامىزدا 15:00-دە حالىقارالىق دەڭگەيدە اباي ولەڭدەرىن حالىقارالىق 8 تىلدە وقۋعا ارنالعان "Abai world challenge" اتتى ۆيدەومارافون باستاۋ الادى (فرانتسۋز، اعىلشىن، اراب، يسپان، قىتاي، جاپون، نەمىس، يتاليان تىلدەرىندە). اتالعان چەللەندجگە اباي شىعارماشىلىعىن زەرتتەپ جۇرگەن əلەمنىڭ تۇكپىر-تۇكپىرىندەگى عالىم-زەرتتەۋشىلەر، اۋدارماشى، جازۋشى، زيالى قاۋىم وكىلدەرى، شەت مەملەكەتتەردەگى قازاقستان رەسپۋبليكاسىنىڭ توتەنشە جəنە وكىلەتتى ەلشىلەرى قاتىسادى.

جالپى 10 تامىز كۇنى رەسپۋبليكا بويىنشا 100-گە جۋىق ءىس-شارا وتەدى. بۇل ءىس-شارانىڭ بارلىعى مəدەنيەت جəنە سپورت مينيسترلىگىنىڭ əلەۋمەتتىك جەلىدەگى رەسمي پاراقشالارىندا فەيسبۋك، ينستاگرام جانە يۋتۋب ارناسىندا كورسەتىلەدى.

سونداي-اق وسى كۇنى əلەۋمەتتىك بەينەباياندار مەن قىسقا مەتراجدى فيلمدەرگە ارنالعان "ابايدىڭ مۇراسى – ادامزات قازىناسى" اتتى ونلاين-فەستيۆال باستالادى.

Əلەمدىك دەڭگەيدەگى ويشىل ءوز شىعارمالارىندا ەڭبەكسۇيگىشتىكتى، بىلىمگە قۇشتارلىقتى، دانالىقتى، قايىرىمدىلىق پەن وتانعا دەگەن ماحابباتتى ناسيحاتتاعان. ءƏرى اقىن وي مەن جۇرەك تازالىعىنا ايرىقشا مəن بەرگەن. حاكىم ابايدىڭ دانالىعى مەن فيلوسوفيالىق كوزقاراسى عاسىرلار وتسە دە ءوزىنىڭ مəن-ماڭىزى مەن ومىرشەڭدىگىن جويماق ەمەس.

ءبىز ءبىرتۇتاس قوعام رەتىندە اقىن شىعارمالارىن تەك بيىل مەرەيتوي اياسىندا عانا قۇرمەتتەپ قانا قويماي، شىعارمالارىن ءوزىمىزدى-ءوزىمىز تانۋ جولىندا اينىماس تەمىرقازىققا اينالدىرۋىمىز قاجەت.

ايتا كەتەيىك، مەرەكە كۇنى ەلوردامىز بەن وڭىرلەردە كەمەڭگەر ويشىلدى ەسكە الۋ ماقساتىندا گۇل شوقتارىن قويۋ ءرəسىمى وتەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز