ەلشىلىك بۇل شەشىم تۇركيا مەن قازاقستان اراسىندا جولاۋشىلار تاسىمالىن جۇزەگە اسىراتىن بارلىق اۆياكومپانيالاردى ارنالعان. شەشىم قابىلدانعاننان كەيىن 5 جانە 6 تامىزعا جوسپارلانعان سوڭعى ءوزارا رەيستەر قاجەتتى رۇقساتتاردى بەرۋ ارقىلى ورىندالدى.
رەيستەردى قايتا باستاۋ تۋرالى ماسەلە پاندەميانىڭ بەتالىسىن ەسكەرە وتىرىپ قارالاتىن بولادى.
"تۇركيا باۋىرلاس قازاقستاننىڭ كوروناۆيرۋس پاندەمياسىمەن كۇرەس اياسىندا قابىلداعان شارالارىن باعالايدى", - دەلىنگەن حابارلامادا. ەلشىلىك وسى ۋاقىتقا دەيىن تۇركيادان قازاقستانعا ەكى رەت مەديتسينالىق كومەك جەتكىزىلگەنىن ەسكە سالدى.
ەستەرىڭىزگە سالا كەتەيىك, بۇعان دەيىن مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ 10 تامىزدان باستاپ تۇركياعا تۋريستىك رەيستەردى قايتا باستاۋ جوسپارلارى تۋرالى مالىمدەگەن بولاتىن.
