وقۋ ورنىنىڭ ءباسپاسوز قىزمەتىنىڭ حابارلاۋىنشا, بولاشاق پەداگوگتار كۋرس بارىسىندا قاشىقتان وقىتۋدىڭ تەرمينولوگياسى مەن نەگىزگى قاعيدالارىن جانە ونلاين ءبىلىم بەرۋدىڭ جاڭا تەحنولوگيالارى مەن ءادىس-تاسىلدەرىن جان-جاقتى مەڭگەرمەك.
– بۇل جوبا تۇڭعىش پرەزيدەنت قورى مەن ەلباسى اكادەمياسىنىڭ باستاماسىمەن جۇزەگە اسىرىلۋدا. كءاسىبي ماماندار مۇعالىمدەر مەن ستۋدەنتتەرگەجانە اتا-انالارعا ەكى تىلدە ءدارىس بەرەدى. ايتا كەتەيىن, «Birge oqý» پەداگوگتارعا قاشىقتان ءبىلىم بەرۋدىڭ قىر-سىرىن تۇسىندىرەتىن كومەكشى قۇرال ىسپەتتەس. پلاتفورما ۋاقىت وتكەن سايىن ونلاين ءبىلىم بەرۋ الەمىندە مۇعالىمنىڭ باعىت بەرۋشى تاپتىرماس سەرىگىنە اينالىپ كەلەدى. ءدارىس بارىسىندا قاشىقتان وقىتۋدىڭ نەگىزگى قۇرالدارى, نۇسقاۋلىقتارى مەن تەحنيكاسى كورسەتىلەدى. سونداي-اق ساباقتى نەدەن باستاۋ كەرەكتىگى جونىندە ءتيىستى كەڭەستەر ايتىلىپ, جۇمىستى ۇيىمداستىرۋدىڭ قاراپايىم تاسىلدەرى ۇسىنىلادى. بۇل ءوز كەزەگىندە قىزدار ۋنيۆەرسيتەتىنىڭ قابىرعاسىندا ءبىلىم الىپ جۇرگەن بولاشاق پەداگوگتاردىڭ كاسىبي تۇرعىدان شىڭدالۋىنا سەپتىگىن تيگىزبەك, – دەيدى قىزپۋ-دىڭ ءباسپاسوز جانە قوعاممەن بايلانىس ءبولىمىنىڭ باسشىسى جاندار اسان.
كۋرس سوڭىندا قاتىسۋشىلاردىڭ قانداي دا ءبىر ءپان بويىنشا ارنايى جوباسى بولادى, سونىمەن قاتار ۇزدىك ستۋدەنتتەر اۋىلدىق مەكتەپ وقۋشىلارىنا ارنالعان «El Úmiti» ونلاين مەكتەبىنىڭ تيۋتورىرەتىندەگى ىرىكتەۋگە قاتىسادى.
– «Birge oqý» جوباسىنىڭ نەگىزگى ماقساتى –قاشىقتان ءبىلىم بەرۋ فورماتىنا كوشۋدى وڭتايلاندىرۋ, مۇعالىمدەر مەن وقۋشىلارعا جانە ولاردىڭ اتا-انالارىنا ونلاين وقىتۋ بارىسىندا كومەك بەرۋ, ساپالى ءبىلىم الۋعا مۇمكىندىك جاساۋ, –دەيدى جوبا اۆتورلارى.
ولاردىڭ ايتۋىنشا, ءدارىس كەزىندە ۇزاق جىلدار بويى ونلاين ءبىلىم بەرۋ سالاسىندا جۇمىس ىستەيتىن, ونىڭ ەرەكشەلىكتەرى مەن قاعيدالارىن جەتە مەڭگەرگەن وتاندىق پەداگوگتاردىڭ تاجىريبەسى ەسكەرىلەدى.
