ءمينيستردىڭ ايتۋىنشا, وڭىردە اۋىلشارۋاشىلىعى جەرلەرىن سۋارمالى سۋمەن قامتاماسىز ەتۋدە اۋقىمدى جۇمىس جۇرگىزىلۋدە.
"ماسەلەن, ءبىز بولعان سوڭعى نىسان - قايتا جوندەلىپ جاتقان "ەرتىس-ۋسپەنكا" كانالىنىڭ سۋارمالى ۋچاسكەسى. بۇل كانال 2021 جىلدىڭ اياعىنا دەيىن كۇردەلى جوندەۋدەن وتكەننەن كەيىن 10 مىڭ گەكتار جاڭا سۋارمالى جەر ەنگىزىلەدى. بۇل اۋقىمدى جەر. وبلىستاعى ءتۇرلى اۋدانداردا باسقا دا جوبالار بار. جالپى وڭىردە 10 جىل ىشىندە سۋارمالى جەر كولەمىن قازىرگى 56 مىڭ گەكتاردان 200 مىڭ گەكتارعا جەتكىزۋ قاجەت".
ءمينيستردىڭ ايتۋىنشا, بۇل كۇردەلى ءارى ءورشىل ماقسات. دەگەنمەن, بۇگىندە وبلىس اكىمى اتاپ ايتقانداي, وڭىردە قازىرگى ۋاقىتتا اۋىل شارۋاشىلىعىندا 2,5 ملن گەكتار يگەرىلەتىن جەر بار. بۇل رەتتە وبلىستاعى بارلىق ءونىمنىڭ 50%-ءى 56 مىڭ گەكتار وسى سۋارمالى جەردە وندىرىلەدى.
"تيىمدىلىگى كورىنىپ تۇر. سوندىقتان مەملەكەت بۇگىندە جاڭا سۋارمالى جەرلەردى ەنگىزۋگە, قولدانىستاعى سۋارۋ جۇيەلەرىن قايتا جوندەپ, جاڭا نىساندار سالۋعا ەداۋىر قاراجات بولۋدە", - دەدى ماعزۇم مىرزاعاليەۆ.
