زەينەتكەرلىككە شىققانداردىڭ اراسىندا الماتى (5 مىڭنان استام), تۇركىستان (4,5 مىڭنان استام) جانە شىعىس قازاقستان (3,8 مىڭنان استام) وبلىستارىنىڭ تۇرعىندارى كوپ. ەڭ تومەنگى كورسەتكىش اتىراۋ وبلىسىنا تيەسىلى, وندا 7 اي ىشىندە 1295 تۇرعىن زەينەتكەرلىكتى راسىمدەگەن.
ەسكە سالساق, جاسىنا بايلانىستى زەينەتاقى تولەمدەرىن تاعايىنداۋ تۋرالى ءوتىنىشتى زەينەت جاسى تولعانعا دەيىن 10 كۇن بۇرىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-ءوفيسى ارقىلى بەرۋ كەرەك. حقو-عا بارۋ ءۇشىن الدىمەن egov.kz پورتالى نەمەسە eGovKzBot2.0 تەلەگرام-بوتى ارقىلى كەزەك ۋاقىتىن برونداۋ قاجەت. سونداي-اق كوروناۆيرۋستىڭ تارالۋىن بولدىرماۋ ماقساتىندا مەملەكەتتىك كورپوراتسيا eGov.kz پورتالىنا ەلەكتروندى ءوتىنىشتى جىبەرۋ ارقىلى قاشىقتان زەينەتاقى تاعايىنداۋ مۇمكىندىگىن قاراستىردى.
ءوتىنىش بەرۋ ءۇشىن ازامات ەلەكتروندى تسيفرلىق قولتاڭبا نەمەسە بىرجولعى ءجاسىرىنسوز ارقىلى egov.kz پورتالىنا كىرۋ كەرەك. سودان كەيىن «ەلەكتروندىق وتىنىشتەر» سەرۆيسىن تاڭداپ, قىزمەتكە ونلاين تاپسىرىس بەرۋى قاجەت. سودان كەيىن جەكە اقپارات, ونىڭ ىشىندە ەلەكتروندى پوشتا مەكەنجايى, تەلەفون ءنومىرى, قىزمەت اتاۋى جانە ت.ب. مالىمەتتەر تولتىرىلۋى ءتيىس. سونداي-اق قۇجاتتاردىڭ سكانەرلەنگەن نەمەسە فوتو كوشىرمەلەرىن (قاجەت ءتىزىمدى 1414 بايلانىس ورتالىعىنان نەمەسە gov4c.kz ۆەب-سايتىنداعى «مەملەكەتتىك قىزمەتتەر ستاندارتتارى» بولىمىنەن بىلۋگە بولادى), سونىڭ ىشىندە قىزمەت الۋشىنىڭ جەكە قولتاڭباسىمەن كۋالاندىرىلعان ءوتىنىشتى دە جۇكتەۋ قاجەت. جولداناتىن تاراپ باعانىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ايماقتىق فيليالىن تاڭداۋ كەرەك.
ءوتىنىمنىڭ سوڭىندا ەتسق-مەن قول قويىلۋى ءتيىس. سۇراقتار تۋىنداعان جاعدايدا, مەملەكەتتىك كورپوراتسيانىڭ قىزمەتكەرلەرى قىزمەت الۋشىمەن كورسەتىلگەن تەلەفون ءنومىرى ارقىلى بايلانىسادى.
مەملەكەتتىك قىزمەت ناتيجەسى قىزمەت الۋشىنىڭ جەكە كابينەتىندە كورسەتىلەدى. ايتا كەتۋ كەرەك, بجزق-دان تولەنەتىن تولەمدەر مەن بازالىق زەينەتاقى تولەمدەرىنە ءوتىنىش كومپوزيت اياسىندا ءبىر ءوتىنىش ارقىلى ۇسىنىلادى.
