ايماقتار • 06 تامىز، 2020

"اتىراۋ-اقپارات" جشس ديرەكتورىنىڭ جاڭا ورىنباسارلارى تاعايىندالدى

50 رەت كورسەتىلدى

"اتىراۋ-اقپارات" ديرەكتورىنىڭ ءبىرىنشى ورىنباسارى قىزمەتىنە راۋان ءسابيتوۆ، شىعارماشىلىق جۇمىستار جونىندەگى ورىنباسارى بولىپ سەرىك قابدولوۆ تاعايىندالدى، دەپ حابارلايدى اتىراۋ وبلىستىق كوممۋنيكاتسيالار قىزمەتى.

جاڭا ورىنباسارلاردى ۇجىمعا "اتىراۋ-اقپارات" باسشىسى ىسقاق ەگەمبەرديەۆ تانىستىرىپ، قىزمەتتەرىنە ساتتىلىك تىلەدى.

راۋان ءسابيت ۇلى 1985 جىلى دۇنيەگە كەلگەن. ءبىلىمى – جوعارى. 2010-2012 جىلدارى ءال-فارابي اتىنداعى قازاق ۇلتتىق ۋنيۆەرسيتەتىن الەۋمەتتانۋ ماماندىعى بويىنشا تامامداعان. جۋرناليستيكا ماگيسترى، جۋرناليستيكا جانە ساياساتتانۋ فاكۋلتەتىنىڭ دوكتورانتى دارەجەسى بار. مالايزيا، سلوۆاكيا، وڭتۇستىك كورەيا، تۇركيا ەلدەرىندە عىلىمي تاعىلىمدامادان ءوتىپ، بىلىكتىلىگىن ارتتىرعان.

ەڭبەك جولىن 2005 جىلى رەسپۋبليكالىق "انا ءتىلى" گازەتىندە ءتىلشى بولىپ باستاعان. 2008-2016 جىلدارى ارالىعىندا رەداكتور-جۇرگىزۋشى، باس رەداكتوردىڭ ورىنباسارى، باس رەداكتور، "قازاقستان-اتىراۋ" تەلەارناسى ديرەكتورىنىڭ ورىنباسارى قىزمەتتەرىن اتقارعان. 2017-2018 جىلدارى "اتىراۋ-اقپارات" جشس ديرەكتورىنىڭ ورىنباسارى لاۋازىمىندا بولعان. سوڭعى ەڭبەك ەتكەن ورنى - "جايىق پرەسس" جشس ديرەكتورى.

سەرىك بالتاباي ۇلى 1972 جىلى تۋعان. ءبىلىمى - جوعارى. ەڭبەك جولىن 1993 جىلى "اتىراۋ" تەلەراديوكومپانياسىندا وپەراتور، ءتىلشى بولىپ باستاعان. 1997-2020 جىلدارى ارالىعىندا شولۋشى، مەنشىكتى ءتىلشى، پروديۋسەر، اتىراۋ قالاسى اكىمىنىڭ ءباسپاسوز حاتشىسى، باس رەداكتور، ءبولىم باسشىسى سياقتى ءتۇرلى لاۋازىمدا ەڭبەك ەتكەن. 2020 جىلدان بۇگىنگە دەيىن اتىراۋ وبلىستىق كوممۋنيكاتسيالار قىزمەتىنىڭ باسشىسى قىزمەتىن اتقارعان.

سوڭعى جاڭالىقتار

ۇقساس جاڭالىقتار