قازاقستاندا ۇلتتىق جانە مەملەكەتتىك مەرەكەلەر ەڭبەك زاڭناماسىنا سايكەس مەرەكە كۇنى رەتىندە سانالادى جانە جۇمىسشىلارعا دەمالىس بەرىلەدى. مىسالى, جاڭا جىل, كونستيتۋتسيا كۇنى, تاۋەلسىزدىك كۇنى جانە ت.ب ايتۋعا بولادى. بۇعان دەيىن ۇكىمەت "مەرەكەلىك كۇندەردىڭ ءتىزىمىن بەكىتۋ تۋرالى" ۇكىمەتتىڭ № 689 قاۋلىسىنا تولىقتىرۋدى ماقۇلداعان ەدى.
"قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا (قازاقستان رەسپۋبليكاسىنىڭ ءپۇاج-ى, 2017 ج., № 53, 343-قۇجات) مىناداي تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسى: مىناداي مازمۇنداعى 22-1-تارماقپەن تولىقتىرىلسىن: "22-1. اباي كۇنى – 10 تامىز".
وسىلايشا, جاڭا مەرەكە "شاحتەر كۇنى", "وتباسى كۇنى", "قۇتقارۋشى كۇنى" جانە باسقا دا مەرەكەلەر تىزىمىنە ەنگىزىلدى. سوندىقتان اباي كۇنى جۇمىسشىلارعا دەمالىس بەرىلمەيدى.
ەسكە سالا كەتەيىك, بيىل ەلىمىزدە قازاقتىڭ ۇلى اقىنى ابايدىڭ 175-جىلدىعى تويلانادى.
