ء"بىزدىڭ جاڭا الاڭدارىمىز بارلىق ستاندارتتارعا سايكەس كەلەدى. اباتتاندىرۋ كەزىندە قولدانىلاتىن بارلىق ماتەريالدار سەرتيفيكاتتالعان. سپورت الاڭدارىندا رەزەڭكە جابىن, شاعىن ساۋلەتتىك فورمالار, جاتتىعۋ كەشەندەرى ورناتىلدى. ەگەر اۋلا الاڭى مۇمكىندىك بەرسە, ءبىز فۋتبول, ۆولەيبول, باسكەتبول الاڭدارىن سالامىز. شاعىن ساۋلەتتىك نىسانداردى ورناتقان كەزدە جاراقات الۋدان ساقتانۋ ءۇشىن جەكە قاۋىپسىزدىك ايماعى ەسكەرىلەدى", - دەدى اۋدان اكىمدىگىنىڭ ءباسپاسوز قىزمەتى.
اۋقىمدى جۇمىستار تەك كتك اۋلالارىندا عانا ەمەس, سونىمەن قاتار قوعامدىق ورىنداردا دا جۇرگىزىلۋدە.
"جۇمىسپەن قامتۋدىڭ جول كارتاسى - 2020" باعدارلاماسى اياسىندا اۋداندا بەس قوعامدىق ورىن اباتتاندىرىلۋدا: ەلوردانىڭ ورتالىق ساياباعى, ەسىل وزەنىنىڭ جاعالاۋى, ەسىل وزەنىنىڭ جاعاسىنداعى ساياباق, ۇركەر جانە پريگورودنىي تۇرعىن الابىندا. ەلوردانىڭ ورتالىق ساياباعىندا work out كەشەنى بار ۇلكەن ايماقتى اباتتاندىرۋ, ستريتبول الاڭىن رەتكە كەلتىرۋ جۇمىستارى اياقتالدى. ۇزىندىعى 3,5 كم جۇگىرۋ جولىنىڭ جاراقاتتان قورعايتىن رەزەڭكە جابىندىسى اۋىستىرىلدى. سونداي-اق, ساياباقتا يوگا, جەكپە-جەك جانە ت.ب. جاتتىعۋلارعا ارنالعان ارنايى ايماقتار بار. سونىمەن قاتار ەسىل وزەنىنىڭ جاعالاۋىندا تاس توسەمەلەر جوندەلىپ جانە قالپىنا كەلتىرىلىپ, باقىلاۋ الاڭدارىنا پليتالار ورناتىلۋدا. جۇمىس شامامەن 10 شاقىرىمدى قامتىدى:
"سەرۋەن" كوپىرىنەن تەلمان تۇرعىن الابىنا دەيىن. اۋدانداعى ەڭ ۇلكەن پاركتەردىڭ ءبىرى قايتا جاڭارتىلۋدا. بۇل جەردە تروتۋار اۋىستىرىلدى. جاقىندا ەسىل وزەنىنىڭ جاعاسىنداعى ساياباقتا بۋ مەن سۋ قوندىرعىلارى بار ەرەكشە سۋبۇرقاق كەشەندەرىن تاماشالاۋعا بولادى. حابارلانعانداي, جاز بويى ەلوردانىڭ بارلىق اۋداندارىندا 150-گە جۋىق اۋلالار مەن 50 قوعامدىق ورىندار اباتتاندىرىلۋدا, ونىڭ ىشىندە بايقوڭىر اۋدانىندا - 50 اۋلا, سارىارقا - 40, الماتى - 33, ەسىل - 20.
جۇمىس تۇرعىنداردىڭ تىلەكتەرىن ەسكەرە وتىرىپ جۇرگىزىلۋدە, "بيۋدجەتكە قاتىسۋ" باعدارلاماسى جۇزەگە اسىرىلۋدا. نۇر-سۇلتان قالاسىنىڭ اكىمدىگى اۋلا اۋماقتارىن كورىكتەندىرۋگە, اباتتاندىرۋعا, كوگالداندىرۋعا ەرەكشە كوڭىل بولۋدە. ەلوردادا "نۇر-سۇلتان - جاي̆لى قالا" جوسپارى جۇزەگە اسىرىلۋدا, ول جاياۋ جۇرگىنشىلەرگە جاعداي جاساۋدى, پوليستسەنترياليزمگە باعىتتالعان تاسىلدەردى ەنگىزۋدى, جاسىل الاڭدار مەن ۆەلوسيپەد جولدارىنىڭ سانىن كوبەيتۋدى, كوپىرلەردى, قوعامدىق ورىنداردى سالۋ جانە باسقالارىن قاراستىرادى.
