ءوزىم قىزىلوردا وبلىسى جالاعاش كەنتىنىڭ تۇرعىنىمىن. جاسىم جەتپىستەن اسىپ بارادى. اياق استىنان دەم جەتپەي, ەكى وكپەم قىسىپ, وسى اۋدانداعى «مادەنيەت» اۋىلىنان اشىلعان پروۆيزورلىق ورتالىققا ەسىمدى بىلمەي ءتۇسىپپىن. اۋەلگىدە 5 كۇن بويى جانساقتاۋ بولىمىندە جاتتىم. رەانيماتولوگ تيمۋر بادجانوۆ, نۇربولات ءتاجماحانوۆ باستاعان دارىگەرلەر مەن مەيىربيكەلەردىڭ ارقاسىندا از كۇندە جالپى پالاتاعا شىقتىم.
كوتەرىلگەن قىزۋ ءتۇستى, بويىمدى تىكتەپ جان-جاعىما قارايتىن جاعدايعا جەتتىم. وسىدان كەيىن دە 10 كۇندەي دارىگەرلەردىڭ باقىلاۋىندا بولدىم. باسىن قاتەرگە تىگە ءجۇرىپ قىزمەت ەتىپ, جانىنا اۋرۋ باتىپ كەلگەن ءار ادامعا جىلى سوزىمەن دەم, دارىمەن ەم بەرگەن اۋىلدىق اۋرۋحانا ۇجىمىنا – گۇلسىم كايۋپوۆا, جامبىل ابىلقاسىموۆ, باتىر ىسكەندىروۆ, نۇربولات الماعانبەتوۆ, جاسۇلان ساقىپبەك, بەكزات التىنبەك, رايسا ابدۋللاەۆا, سۇلۋشاش دوسىبەك سىندى اق حالاتتى ابزال جاندارعا العىسىم شەكسىز.
قاليلۋللا ابجاليەۆ,
زەينەتكەر
قىزىلوردا وبلىسى,
جالاعاش اۋدانى
