بۇل ستارتاپتار KPMG, سبەربانك, ۆتب, Al Hilal Bank, Microsoft, Beeline, Halyk Bank سەكىلدى ورتالىق ازيا كورپوراتسيالارىنا ءوز جوبالارىن تانىستىردى.
ستارتاپتاردىڭ اراسىندا: Multis (قازاقستان) – ەڭ جاقسى نەسيەلىك ۇسىنىستى ىزدەۋ; ARNI.io (رەسەي) – سويلەسەتىن جاساندى ينتەللەكت, ادام رەتىندە سويلەسەتىن اقىلدى ىزدەۋ جۇيەسى; Boollo.Safe (گونكونگ) – ساقتاندىرۋ كومپانيالارى اراسىندا ەڭ جاقسى ۇسىنىستى تاڭداۋعا مۇمكىندىك بەرەتىن ساقتاندىرۋ پلاتفورماسى; Upswot (ۋكراينا) – بانكتەرگە شاعىن جانە ورتا بيزنەستىڭ بيزنەس جۇيەلەرىنە API قولداۋىمەن كىرۋ; eCredit (رەسەي) – اۆتوكولىك وندىرۋشىلەرى مەن ديلەرلەرى ءۇشىن نەسيەلىك جانە ساقتاندىرۋ ونىمدەرىن ساتۋدى باسقارۋعا ارنالعان پلاتفورمالارى تۋرالى ءتۇسىندىرىلدى.
– ءىس-شارا جوعارى دەڭگەيدە ءوتتى, مەن Fintechstars Innovation Day بارلىق قاتىسۋشىلارى مەن ۇيىمداستىرۋشىلارىنا تاماشا ۇيىمداستىرعانى جانە قىزىقتى وقيعالارى ءۇشىن العىس ايتامىن. Mastercard بىرنەشە جىل بويى احقو-مەن قولما-قول اقشاسىز ەكونوميكا مەن تولەم تەحنولوگيالارىن ەنگىزۋگە باعىتتالعان جوبالاردى جاساۋدا جۇمىس ىستەپ كەلەدى جانە ءبىز فينتەح حاب قىزمەتىنىڭ پايداسىن كورەمىز, ونى دامىتۋ ءۇشىن وتە ۇلكەن قىزمەت سالاسى بار, ونىن كومەگىمەن قارجىلىق جانە باسقا شەشىمدەر مەن تەحنولوگيالاردى جۇزەگە اسىرۋعا بولادى. ءبىز بارلىعىنا تابىس تىلەيمىز, – دەدى قازاقستان, قىرعىزستان, تاجىكستان, تۇرىكمەنستان جانە وزبەكستان ەلدەرىندەگى Mastercard باس ديرەكتورى رافال ترەپكا.
ستارتاپتار ءۇشىن بانكتەرمەن, ساقتاندىرۋ كومپانيالارىمەن, ءموبيلدى وپەراتورلارمەن جانە ورتالىق ازياداعى بولشەك ساۋدا ورىندارىمەن كەزدەسۋلەر ۇيىمداستىرىلادى.
– قازاقستان جانە جالپى ورتالىق ازيا قارجىلىق يننوۆاتسيالاردى ەنگىزۋ ءۇشىن ۇلكەن الەۋەتكە يە. ءىس-شاراعا دايىندىق كەزىندە ءبىز 15 ەلدىڭ 65 ستارتاپ-كومپانيالارىنان ءوتىنىم قابىلدادىق, بۇل ءوز كەزەگىندە ايماقتىڭ تارتىمدىلىعىن كورسەتەدى. فينتەح ستارتاپتاردى بانكتەردە, ساقتاندىرۋ, تەلەكوممۋنيكاتسيا كومپانيالارىندا جانە بولشەك ساۋدادا جۇزەگە اسىرۋدىڭ كوپتەگەن مۇمكىندىكتەرى بار. سوندىقتان ءبىزدىڭ ماقساتتارىمىزدىڭ ءبىرى – الەمنىڭ كوپتەگەن وزىق ستارتاپتارىن تارتۋ», دەدى احقو فينتەح حابىنىڭ ستارتاپتاردى قولداۋ باعدارلامالارىنىڭ جەتەكشىسى تاراس ۆولوبۋەۆ.
وسىنداي سيپاتتاعى وقيعالار ايماقتاعى فينتەح-سەكتوردىڭ دامۋىنا سەرپىن بەرەدى. احقو فينتەح حابىندا 120-دان استام Fintech ستارتاپتىڭ تاجىريبەدەن وتۋگە, كورپوراتسيالارمەن بايلانىس ورناتۋعا, ءتۇرلى ءىس-شارالارعا قاتىسۋعا مۇمكىندىكتەرى بار. سونىمەن قاتار احقو اعىلشىن قۇقىعىنا نەگىزدەلگەن كوپ فۋنكتسيالى قۇقىقتىق پلاتفورمانى, قولايلى سالىق رەجىمىن جانە ورتالىقتىڭ رەزيدەنت كومپانيالاردىڭ وپەراتسيالىق قىزمەتىن ىنتالاندىرادى.
