قۇرىلىسى ۇزاققا سوزىلعان نىسانداردىڭ ءبىر بولىگى ينجەنەرلىك جەلىلەر مەن كوممۋنيكاتسيالار, جولدار, جارىقتاندىرۋ, الەۋمەتتىك نىساندار جانە ت.ب. جوق اۋدانداردا ورنالاسقان, دەپ جازدى قالا اكىمى التاي كولگىنوۆ ءوزىنىڭ ينستاگرام پاراقشاسىندا.
“قۇرىلىس جۇمىستارىمەن بىرگە نىساندى بارلىق جەلىلەرگە قوسۋ بويىنشا جۇمىستار دا جۇرگىزىلەدى. سونداي-اق, ەلدى-مەكەنگە قاراستى اۋماق قۇرىلىسىن سالۋدى جوسپارلاپ وتىرمىز. ادەتتە, قۇرىلىسى ۇزاققا سوزىلعان نىساندارداعى مىسال ءۇشىن ءبىر پاتەر ەكى-ءۇش ادامعا ساتىلىپ كەتەدى. ونداي جەرلەرگە ينۆەستورلار كەلگىسى كەلمەيدى. ءبىز سولارعا تارتىمدى بولۋى ءۇشىن دونور-ۋچاسكەلەر ۇسىنامىز. بۇگىنگى تاڭەرتەڭگىلىك ارالاۋ كەزىندە "حازار" (زاگرەب), "كۋرشاۆەل", "تاليسمان" نىساندارىنىڭ قۇرىلىس بارىسىمەن تانىستىم. ولاردا دونور-نىساندار بار”,- دەدى ا.كولگىنوۆ.
اكىمنىڭ ايتۋىنشا, "كۋرشاۆەل" تۇرعىن ءۇي كەشەنى بويىنشا بارلىق قۇجاتتار دايىندالعان, ونىڭ ىشىندە تىرەك كونسترۋكتسيالارىن نىعايتۋ بويىنشا قۇجاتتار دا بار. ەندى نىسان قۇرىلىسىن جالعاستىرۋعا قارجى بولۋگە بولادى.
“”حازار” (زاگرەب), "تاليسمان" كەشەندەرىندە قۇرىلىس جۇمىستارى بەلسەندى ءجۇرىپ جاتىر. "حازار" تك (زاگرەب) پەرسپەكتيۆالى اۋداندا ورنالاسقان. "تاليسمان" كەشەنىن قالامەن قوسۋ ءۇشىن كوپىر قۇرىلىسى بويىنشا جۇمىستار اياقتالۋدا, تۇرعىندارعا قونىستاندىرۋ كەزىندە جۇمىسقا بارۋ وڭايىراق بولادى جانە ت. ب. ءاربىر ۇلەستىك قۇرىلىس نىسانى اياقتالادى”,- دەپ اتاپ ءوتتى التاي كولگىنوۆ.
