قازىرگى ۋاقىتتا الماتى اۋدانىندا توعىز قوعامدىق كەڭىستىكتى اباتتاندىرۋ اياقتالدى, تاعى ءبىرى اياقتالۋعا جاقىن. ءۇش ساياباقتى بىرىكتىرۋ تۇجىرىمداماسىن ىسكە اسىرۋ اياسىندا – "پرەزيدەنت", "ترياتلون" جانە ەسىل وزەنىنىڭ جاعالاۋىندا ەكى باسكەتبول, دەمالىس ايماقتارى بار ەكى فۋتبول الاڭى, دەمالىس ايماقتارى بار بالالار الاڭى, كولەڭكەلى شاتىرلار, جاتتىعۋ ايماعى, 13 پيكنيك زوناسى جابدىقتالدى; جاعالاۋ بويىمەن التى بۇرىلىس جانە ۇزىندىعى شامامەن 4 كم ۆەلوسيپەد جولى سالىندى. م-1 كوپىرىنىڭ استىندا تاس توسەلگەن دەمالىس ورنى, ستريتبول اسفالتى سالىنىپ, كوپىر باعاندارى گراففيتيمەن بەزەندىرىلىپ, دەكوراتيۆتى جارىعى ۇيىمداستىرىلدى.
سونىمەن قاتار تاماقتانۋ ورنى دا بار. پرەزيدەنت ساياباعىندا سۋمەن جابدىقتاۋ جۇيەسىن جوندەۋ جۇمىستارى جۇرگىزىلۋدە.
"ەلدى مەكەندەردەگى كوشەلەردى جارىقتاندىرۋ" باعدارلاماسى بويىنشا ورتالىق كوشەلەردە 3 مىڭ شام اۋىستىرىلدى. "ەلدى مەكەندەردى اباتتاندىرۋ جانە كوگالداندىرۋ" باعدارلاماسى بويىنشا جوسپارلانعان 33 اۋلانىڭ 20-سى اباتتاندىرىلدى. قالعان 13 اۋلاداعى جۇمىستار 1 قىركۇيەككە دەيىن اياقتالادى.
جوندەۋ جۇمىستارى 61 اۋلادا جۇرگىزىلدى. حابارلانعانداي, جاز بويى ەلوردانىڭ بارلىق اۋداندارىندا 150-گە جۋىق اۋلالار مەن 50 قوعامدىق ورىن اباتتاندىرىلۋدا. بنىڭ ىشىندە بايقوڭىر اۋدانىندا - 50 اۋلا, سارىارقا - 40, الماتى - 33, ەسىل - 20. جۇمىس تۇرعىنداردىڭ تىلەكتەرىن ەسكەرە وتىرىپ جۇرگىزىلۋدە, "بيۋدجەتكە كاتىسۋ" باعدارلاماسى جۇزەگە اسىرىلۋدا. نۇر-سۇلتان قالاسىنىڭ اكىمدىگى اۋلا اۋماقتارىن كورىكتەندىرۋگە, اباتتاندىرۋعا, كوگالداندىرۋعا ەرەكشە كوڭىل بولۋدە.
ەلوردادا "نۇر-سۇلتان - جاي̆لى قالا" جوسپارى جۇزەگە اسىرىلۋدا, ول جاياۋ جۇرگىنشىلەرگە جاعداي جاساۋدى, پوليستسەنترياليزمگە باعىتتالعان تاسىلدەردى ەنگىزۋدى, جاسىل الاڭدار مەن ۆەلوسيپەد جولدارىنىڭ سانىن كوبەيتۋدى, كوپىرلەردى, قوعامدىق ورىنداردى سالۋ جانە باسقالارىن قاراستىرادى.
