ەلوردادا 2996 ۇەۇ تىركەلگەن. بەلسەندى قىزمەت ەتىپ جاتقان 620 ۇيىم بار. ونىڭ ىشىندە 10 ۇيىم الەۋمەتتىك كاسىپكەرلىكپەن اينالىسادى.
"بىلتىرمەن سالىستىرعاندا بيىل الەۋمەتتىك كاسىپكەرلىكتىڭ سانى ارتىپ كەلەدى. ماسەلەن, 2019 جىلى 1 عانا الەۋمەتتىك كافە بولسا, بيىل تاعى ءبىر كافە ءوز قىزمەتىن باستادى. ال شەبەرحانالار سانى 2019 جىلى 6 بولسا, 2020 جىلى 10-عا جەتتى", دەيدى قالالىق ىشكى ساياسات باسقارماسىنىڭ ۇكىمەتتىك ەمەس سەكتورمەن جۇمىس ءبولىمىنىڭ باسشىسى نۇربەك پۇسىرمانوۆ.
ماسەلەن, نۇر-سۇلتاندا بىلتىر اشىلعان «ەmoji» كافەسى مۇمكىندىگى شەكتەۋلى جاندارعا كومەك كورسەتۋدى ماقسات تۇتادى.
"بۇگىندە كافەلەردىڭ قىزمەتىنە شەكتەۋ قويعاننان كەيىن, ونلاين جەتكىزۋ بويىنشا قىزمەت ەتىپ جاتىرمىز. قازىرگى تاڭدا 11 ادام جۇمىس ىستەيدى. كارانتين تالاپتارى ساقتالادى. ءوزىم مەديتسينا قىزمەتكەرى بولعاندىقتان, ساقتىق شارالارىن قاتاڭ ساقتايمىن. دەزينفەكتسيا جاسالىپ, تەمپەراتۋرا ولشەنەدى. ۇجىمدا كوبىنە ەستۋ قابىلەتى تومەن جاندار جۇمىس ىستەيدى. ولار ءبىرىن-ءبىرى جاقسى تۇسىنەدى, جۇمىس جاساۋ دا وزدەرىنە ىڭعايلى", دەپ اتاپ ءوتتى "ەmoji" كافەسىنىڭ باسشىسى ازامات بازىلوۆ.
بۇگىنگى تاڭدا الەۋمەتتىك كاسىپكەرلىك مەملەكەت تاراپىنان قولداۋ تاۋىپ كەلەدى. "بيزنەستىڭ جول كارتاسى – 2020" مەملەكەتتىك باعدارلاماسى بويىنشا بيىل بولىنگەن قارجىنىڭ 20%-ى الەۋمەتتىك كاسىپكەرلىكتى قولداۋعا باعىتتالعان. قازىرگى كەزدە گرانت يەلەنۋ ءۇشىن قۇجاتتار قابىلدانۋدا. جەكە كاسىپكەر تەمىرلان ورمانقۇلوۆ قالاي گرانت ۇتىپ, ءوز ءىسىن اشقانىن ايتىپ بەردى.
"مەن ءوز جوبامدى قورعاعان كەزدە قاتتى ۋايىمدادىم. بىراق گرانتتى جەڭىپ العاننان كەيىن, دىبىس جازۋ ستۋدياسىن اشۋ ءۇشىن ءوزىم قالاعان قاجەتتى جابدىقتاردى ساتىپ الدىم. بۇل ءبىزدىڭ جۇمىسىمىزدى دامىتۋعا جانە جەدەلدەتۋگە, ەڭ باستىسى جاقسارتۋعا مۇمكىندىك بەردى. كليەنتتەر كوپ بولدى, ونىڭ ىشىندە ءىرى كومپانيالار دا بار", دەيدى ت.ورمانقۇلوۆ. ول الدا فوتوستۋديا قۇرۋ جانە ونى ودان ءارى كەڭەيتۋدى جوسپارلاپ وتىر.
ء"بىز جاستار ءۇشىن جاڭا جۇمىس ورىندارىن اشقىمىز كەلەدى", دەپ اتاپ ءوتتى جاس كاسىپكەر.
