ەكولوگيالىق پوليتسيا قىزمەتكەرلەرى, ۋچاسكەلىك ينسپەكتورلار مەن پاترۋلدىك پوليتسيا قىزمەتكەرلەرى جەدەل الدىن الۋ ءىس-شارالارىن وتكىزۋ كەزىندە سۋ قويمالارىنا جاقىن ادامدار كوپ جينالاتىن جەرلەردە رەيدتەر ۇيىمداستىردى. پوليتسيا قىزمەتكەرلەرى بەلگىلەنبەگەن ورىنداردا اباتتاندىرۋ, بالىق اۋلاۋ, ورتاق سۋ پايدالانۋ ەرەجەلەرىن بۇزۋ, الكوگولدىك ىشىمدىكتەر ءىشۋ, ورتاق پايدالانۋ ورىندارىن لاستاۋ فاكتىلەرىنىڭ جولىن كەسۋدە, سونداي-اق تابيعات قورعاۋ زاڭناماسىن باسقا دا بۇزۋشىلىقتاردى انىقتاۋ بويىنشا شارالار قابىلدانۋدا.
جەدەل الدىن الۋ ءىس-شاراسى باستالعاننان بەرى ءتارتىپ ساقشىلارى 200-گە جۋىق اكىمشىلىك قۇقىق بۇزۋشىلىقتى انىقتادى.
حالىققا اكىمشىلىك زاڭناما نورمالارى تۇسىندىرىلەدى, سونداي-اق ءماسليحاتتىڭ 2017 جىلعى 20 شىلدەدەگى №166/21-VI شەشىمىمەن بەكىتىلگەن "قالا اۋماعىن اباتتاندىرۋ ەرەجەلەرىن" ساقتاۋ بويىنشا پروفيلاكتيكالىق اڭگىمەلەسۋ وتكىزىلەدى.
جالپى سۋ پايدالانۋ ەرەجەلەرىن بۇزعانى ءۇشىن 35 جاستاعى ەلوردا تۇرعىنى قر اقبك 364-بابى بويىنشا اكىمشىلىك جاۋاپكەرشىلىككە تارتىلدى. ەر ادام "گاز" اۆتوكولىگىمەن بەلگىلەنبەگەن جەردەن, اتاپ ايتقاندا نۇرا-ەسىل وزەنىنەن سۋ الۋعا جول بەرگەن.
سونىمەن قاتار, ناجىمەدەنوۆ كوشەسىندەگى قۇرىلىس وبەكتىسىنە ىرگەلەس اۋماقتى ۋاقىتىلى تازالاماعانى ءۇشىن قۇرىلىس كومپانياسى قر اقبك 505 بابى بويىنشا اكىمشىلىك جاۋاپكەرشىلىككە تارتىلىپ, 40 اەك كولەمىندە ايىپپۇل سالىندى.
