الەم • 05 تامىز، 2020

يسپانيانىڭ بۇرىنعى كارولى حۋان كارلوس جوعالىپ كەتتى

90 رەت كورسەتىلدى

ونىڭ قايدا كەتكەنى بەلگىسىز. يسپانيا ۇكىمەتىنىڭ باسشىسى پەدرو سانچەس كارولدىڭ قايدا ەكەنىن بىلمەيدى. بۇل تۋرالى ۆۆس حابارلادى.

 

حۋان كارلوس دۇيسەنبى كۇنى جەمقورلىق فاكتىسىمەن تەرگەلە باستاعانىنا بايلانىستى  ەلدەن كەتەتىنىن مالىمدەگەن. بىراق قاي ەلگە جانە قاشان كەتەتىنىن ايتپاعان. بۇگىندە جەرگىلىكتى بۇقارالىق اقپارات قۇرالدارى كارول تۋرالى ءارتۇرلى اقپارات تاراتۋدا. 

2014 جىلى وتستاۆكاعا كەتكەن 82 جاستاعى بۇرىنعى مونارح، ۇلى فيليپپ IV پاتشانىڭ بيلىك ەتۋىنە كەدەرگى كەلتىرمەس ءۇشىن يسپانيادان تىس جەردە تۇراتىنىن ايتىپ جۇرگەن.

قازىردىڭ وزىندە يسپاندىق باق-تا «حۋان كارلوس يسپانيادان كەتىپ قالدى» دەگەن حابارلار پايدا بولدى. سونداي-اق ول قازىر دومينيكان رەسپۋبليكاسىندا دەگەن دە دەرەكتەر كەزدەسەدى.

ال دومينيكان رەسپۋبليكاسىنىڭ يمميگراتسيالىق قىزمەتىنىڭ رەسمي وكىلى بۇرىنعى مونارح شەكارادان وتپەدى دەپ مالىمدەدى. الايدا، ول بۇل مەملەكەتتە اقپان ايىنىڭ اياعىنان ناۋرىز ايىنىڭ باسىنا دەيىن بىرنەشە كۇن بولعان.  

حۋان كارلوستىڭ يسپاندىق كومپانيالاردىڭ مەككەدەن مەديناعا دەيىن تەمىرجول سالۋ ءۇشىن جۇرگىزگەن كەلىسىم-شارتتارعا قانشالىقتى قاتىسى بارى تەكسەرىلىپ جاتىر. وعان كەلىسىم-شارتتار جاسالماي تۇرىپ، ءۇش جىل بۇرىن ساۋد ارابياسىنىڭ كورولىنەن 100 ميلليون دوللار كولەمىندە سىيلىق الدى دەگەن دە ايىپ تاعىلعان. بىراق ەكس-كارول ايىپتاۋلارعا قاتىستى تۇسىنىكتەمە بەرمەگەن. سوندىقتان دا بولار ول تۋرالى اقپاراتتار سان-ساققا كەتىپ جاتىر. يسپاندىقتار ءۇشىن ازىرگە ونىڭ قايدا جۇرگەنى قىزىق سەكىلدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار