ليۆانداعى قازاقستاندىق ديپلوماتتاردىڭ اقپاراتى بويىنشا, اعىمداعى جىلعى 4 تامىزدا جەرگىلىكتى ۋاقىت بويىنشا ساعات 18:00 شاماسىندا بەيرۋتتاعى تەڭىز پورتىنىڭ بازاسىندا بىرنەشە قاتتى جارىلىس بولدى.
جاقىن ماڭدا ورنالاسقان ۇيلەردە, سونداي-اق جارىلىس ەپيتسەنترىنەن بىرنەشە شاقىرىم جەردە ورنالاسقان عيماراتتاردا تەرەزەلەرى شاعىلدى.
جەرگىلىكتى بيلىكتىڭ الدىن الا اقپاراتى بويىنشا, تەڭىز پورتىندا پيروتەحنيكاسى بار كەمە جارىلعان. جارىلىس سالدارىنان ليۆانداعى قر ديپلوماتيالىق ميسسياسىنىڭ عيماراتىنا زيان كەلتىردى.
جارىلىس كەزىندە ديپلوماتيالىق ميسسيانىڭ قىزمەتكەرلەرى جۇمىس كۇنى اياقتالعاننان كەيىن جۇمىس ورنىنان كەتىپ قالعان. كونسۋل جۇمىستا قالعان بولاتىن جانە جارىلىس تولقىنى سالدارىنان جەڭىل جاراقات الدى.
ءبىزدىڭ ديپلوماتتار جەرگىلىكتى بيلىك ورگاندارىمەن جەدەل بايلانىستا, ليۆانداعى قازاقستان رەسپۋبليكاسى ازاماتتارىنىڭ جاعدايى تۋرالى اقپارات تەكسەرىلۋدە.
