ايماقتار • 04 تامىز، 2020

پوليتسەيلەر كارانتين رەجيمىن بۇزعان 18 نىساندى انىقتادى

15 رەت كورسەتىلدى

ماتەريالدار ءىس جۇرگىزۋ شەشىمىن قابىلداۋ ءۇشىن تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جىبەرىلدى، دەپ حابارلايدى ەلوردا اكىمدىگىنىڭ رەسمي سايتى.

وتكەن تاۋلىكتە نۇر-سۇلتاندا كارانتين رەجيمىن بۇزعان 18 كاسىپكەرلىك سۋبەكت انىقتالدى. ولاردىڭ اراسىندا ويىن-ساۋىق، ساۋنالار، دۇكەندەر، لوتو-كلۋب، كاليان-بار جانە كولىك جۋ ورىندارى بار. 3 تامىزدا ساعات 24:00 شاماسىندا سارايشىق كوشەسىندە لوتو-كلۋب جۇمىس ىستەگەن. ويىن مەكەمەسىندە كارانتين شارالارىنا قاراماستان، كەلۋشىلەر ۇتىس تىككەن.

سونداي-اق ءموبيلدى توپ تۇنگى ۋاقىتتا ەركوكشە كوشەسىندەگى ساۋنادا كارانتين رەجيمىنىڭ تالاپتارىن ەلەمەي، بوس ۋاقىتىن وتكىزگەن التى ادامدى انىقتادى. سول ءتۇنى ابىلاي حان كوشەسىندە كولىك جۋ قىزمەتى جۇمىس ىستەگەن. اكىمشى جۇمىس ورنىندا بولا وتىرىپ، ماشينالارعا قىزمەت كورسەتۋگە رۇقسات بەرگەن. سونىمەن قاتار تاماقتانۋ ورىندارى دا تەكسەرىلدى. تۇنگى ۋاقىتتا جۇمىس ىستەگەن جانە ازاماتتاردى قابىلداعان ەكى كافە انىقتالدى. كەلۋشىلەر سانيتارلىق-ەپيدەميولوگيالىق نورمالاردى بۇزىپ، وزدەرىنە جانە جاقىندارىنا ۆيرۋس جۇقتىرۋ قاۋپىن ءتوندىردى.

"جينالعان بارلىق ماتەريالدار ءىس جۇرگىزۋ شەشىمىن قابىلداۋ ءۇشىن تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جىبەرىلدى. پوليتسيا، ەپيدەميولوگتار، ەرىكتىلەر، جەرگىلىكتى اتقارۋشى ورگان وكىلدەرىنەن قۇرالعان ءموبيلدى توپتار كارانتين رەجيمىن بۇزعانداردى انىقتاۋدى جالعاستىرۋدا. تەكسەرۋ بارىسىندا پوليتسەيلەر ويىن-ساۋىق ورىندارىنا، قوعامدىق تاماقتانۋ نىساندارىنا، ساۋنالارعا، مونشالارعا كىرىپ، يەلەرىنە قازىرگى كارانتين شارالارى تۋرالى ەسكەرتەدى، سونداي-اق زاڭ بۇزۋشىلىق فاكتىلەرىن انىقتايدى"، - دەلىنگەن حابارلامادا. نۇر-سۇلتان پوليتسيا دەپارتامەنتى ازاماتتارعا كارانتين شارالارىن بۇزعانى ءۇشىن جاۋاپقا تارتىلاتىنى تۋرالى ەسكەرتەدى جانە سانيتارلىق نورمالاردى ساقتاۋعا شاقىرادى.

سوڭعى جاڭالىقتار

ۇقساس جاڭالىقتار