ايماقتار • 04 تامىز، 2020

ەلوردالىق گارنيزوندا پتر-زەرتحاناسى اشىلادى

17 رەت كورسەتىلدى

اپپاراتتىق كەڭەس بارىسىندا قورعانىس مينيسترلىگىنىڭ باسشىلىعىمەن وڭتۇستىك ءوڭىردىڭ بولىمدەرى مەن بولىمشەلەرىن تەكسەرۋ قورىتىندىسى، سونىمەن قاتار قارۋلى كۇشتەردى كادرلارمەن جاساقتاۋ ماسەلەلەرى قاراستىرىلدى. ودان بولەك، نورماتيۆتىك-قۇقىقتىق بازاسىنا وزگەرىستەر ەنگىزۋ جانە باسقا دا وزەكتى باعىتتار تالقىلاندى.

قورعانىس ءمينيسترى گەنەرال-لەيتەنانت نۇرلان ەرمەكباەۆ اسكەرلەردى ۇزدىكسىز دايارلاۋ پروتسەسى تۋرالى اقپاراتتى تىڭدادى. سونىمەن قاتار، وتكەن اپتادا قورعانىس ءمينيسترىنىڭ ءبىرىنشى ورىنباسارى - قازاقستان رەسپۋبليكاسى قارۋلى كۇشتەرى باس شتابىنىڭ باستىعى گەنەرال-لەيتەنانت مۇرات بەكتانوۆتىڭ باسشىلىعىمەن وڭتۇستىك ايماقتىڭ بولىمدەرى مەن بولىمشەلەرىنە تەكسەرۋ جۇرگىزىلدى. ناتيجەسىندە اسكەري قىزمەتشىلەرگە وزدەرىنىڭ جاۋىنگەرلىك ازىرلىكتەرى مەن تيىمدىلىكتەرىن تاعى دالەلدەۋلەرىنە تۋرا كەلدى.

جەكە قۇرام تانك، جاۋىنگەرلىك ماشينا، قارۋدان اتۋ بويىنشا جاقسى جانە وتە جاقسى دەپ باعالانىپ، دەنە دايىندىعىنان دا وسال ەمەس ەكەندىگىن كورسەتتى.

بولىمشەلەردىڭ ءوزارا بىرلەسكەن جۇمىسى مەن اسكەري قىزمەتشىلەردىڭ جوعارى دەڭگەيدەگى ۇستامدىلىقتارى ەسكەرىلدى. سونىمەن قاتار مەرزىمدى اسكەري قىزمەتشىلەر اراسىندا جۇرگىزۋشى مەن مەحانيك-جۇرگىزۋشىلەردىڭ  جەتىسپەيتىندىگى جانە ولاردىڭ دايىندىق دەڭگەيى جەتكىلىكسىز ەكەندىگى اتاپ ءوتىلدى.

ودان بولەك، ءمينيستردىڭ تاپسىرماسى بويىنشا الماتى وڭىرلىك گارنيزونىنداعى اۋە شابۋىلىنا قارسى بولىمشەلەردىڭ كەزەكشى كۇشتەرى مەن قۇرالدارى كەنەتتەن تەكسەرىلدى.  اۋەدە شابۋىلداۋشى كەمە رەتىندە ءتۇرلى اۋەايلاقتارىنان اۆياتسيا ۇشاقتارى، سوققى بەرەتىن جانە بارلاۋ ۇشاقسىز ۇشۋ اپپاراتتارىمەن كۇزەتىلەتىن نىساندارعا (شارتتى تۇردە) سوققى جاسادى. زەنيتتىك-زىمىران بولىمشەلەرىمەن جىبەرىلگەن سوققى جىبەرگەن نىسانالار دەر كەزىندە انىقتالىپ، (شارتتى تۇردە) جويىلدى. سونىمەن بىرگە تەكسەرۋ بارىسىندا انىقتالعان كەمشىلىكتەردى جويۋ تاپسىرىلدى.

«ارميا حالىقارالىق ويىندارى - 2020» سايىسىنىڭ تانك بياتلونى جارىسىنا قاتىساتىن كوماندانىڭ دايىندىق بارىسى تالقىلانىپ، كونكۋرسقا قاتىسۋشىلاردىڭ كاسىبي دەڭگەيىن ارتتىرۋ بويىنشا بىرقاتار ناقتى تاپسىرمالار بەرىلدى.

كۇن تارتىبىندەگى ماسەلەنىڭ ءبىرى رەتىندە قارۋلى كۇشتەردى مەرزىمدى قىزمەتكە ماماندارىمەن، ونىڭ ىشىندە اسكەري-تەحنيكالىق مەكتەپتەردىڭ تۇلەكتەرىمەن تولىقتىرۋ ماسەلەسى ايتىلدى. قورعانىس ءمينيسترى اسكەري-تەحنيكالىق ماماندىقتاردىڭ سانىن ارتتىرۋ ماقساتىندا اسكەري-تەحنيكالىق مەكتەپتەردە دايارلاۋ باعدارلاماسىن قايتا قاراستىرۋدى تاپسىردى.

اسكەري مەديتسينا سالاسىنا قاتىستى قاجەتتى ورىندار مەن مەديتسينالىق قىزمەتكەرلەردىڭ سانىن ەسكەرە وتىرىپ، Covid-19 جانە جرۆي تارالۋ مۇمكىندىگىنە ازىرلىكتى قامتاماسىز ەتۋدى تاپسىردى.

باس اسكەري-مەديتسينالىق باسقارماسىنىڭ باستىعى مەديتسينا قىزمەتىنىڭ پولكوۆنيگى تيمۋر وشاقباەۆتىڭ ايتۋىنشا اعىمداعى جىلى نۇر-سۇلتان مەن اقتاۋ قالالارىندا سانيتارلىق دارىگەرلەردىڭ قوسىمشا شتاتتىق سانى كوبەيتىلگەن. پتر-تەستىلەۋىنەن ءوتۋدىڭ جالپى جەتىسپەۋشىلىك جاعدايىندا جەكە مەنشىك مەديتسينالىق ۇيىمدارىنىڭ زەرتحانالارىمەن تالداۋ جاساۋ تۋرالى كەلىسىمشارت جاساۋ ارقىلى شەشىلدى.

مينيستر اقمولا وڭىرلىك گارنيزونىن پتر-زەرتحاناسىمەن قامتاماسىز ەتۋ جۇمىسىن جەدەلدەتۋدى، بارلىق اسكەري قىزمەتشىلەر مەن قىزمەتكەرلەردىڭ سانيتارلىق-ەپيدەميولوگيالىق شارالاردى قاتاڭ ساقتاۋلارىنا، Covid-19 ىندەتىن ۋاقىتىلى انىقتاپ، ەمدەۋ قاجەتتىلىگىنە نازار اۋدارۋدى تاپسىردى.

قازىرگى كەزدە جۇمىس جاساپ تۇرعان گوسپيتالدەر مەن لازارەتتەرگە قاراستى قوسىمشا ينفەكتسيالىق بولىمشەلەر (بوكستار)  سوعۋ مۇمكىندىگى قاراستىرىلاتىن بولادى. ماڭعىستاۋ وبلىسىندا گوسپيتال تاپشى ەكەندىگى ايتىلدى.

اپپاراتتىق كەڭەس بارىسىندا اسكەري قىزمەتشىلەر، ولاردىڭ وتباسى مۇشەلەرىنىڭ الەۋمەتتىك قامتاماسىز ەتۋ ماسەلەلەرى قاراستىرىلدى جانە قولدانىستاعى زاڭناماعا وزگەرىستەر ەنگىزۋ ماسەلەلەرى دە قاراستىرىلدى.

سوڭعى جاڭالىقتار

ۇقساس جاڭالىقتار