وڭتۇستىك قازاقستان • 04 تامىز، 2020

شىمكەنتتە 5 شاعىناۋدانعا گاز جۇيەسى تارتىلۋدا

97 رەت كورسەتىلدى

قاراتاۋ اۋدانىندا گاز قۇبىرلارىن تارتۋ جۇمىستارى قارقىن الىپ كەلەدى، دەپ جازادى Egemen.kz

ناۋرىز ايىندا تۇران شاعىن اۋدانىن تابيعي گازبەن قامتاماسىز ەتۋ بويىنشا ماگيسترالدى جۇيەنىڭ قۇرىلىسى باستاۋ العان بولاتىن. بۇگىندە "StroyGazCompany" كومپانياسى جۇمىستىڭ 1-كەزەڭىن قاراشا ايىندا اياقتاۋدى جوسپارلاپ وتىر.

سونداي-اق قايناربۇلاق تۇرعىن الابىندا دا ماگيسترالدى گاز قۇبىرىنىڭ قۇرىلىسى جۇرگىزىلىپ جاتىر.

دوستىق جانە اسار شاعىناۋدان تۇرعىندارىنىڭ دا كوگىلدىر وتىنعا قوسىلار كەزى الىس ەمەس. دوستىقتا 46،06 كم قۇرايتىن، ال اسار شاعىناۋدانىندا 50،4 كم بولاتىن ىشكى ورامدىق جۇيەلەردىڭ قۇرىلىسى جۇرگىزىلىپ جاتىر. "گازوۆوە حوزيايستۆو شىمكەنت گاز" جشس، "وتاۋ ستروي" جشس كومپانيالارى قۇرىلىستى تولىعىمەن كەلەسى جىلى اياقتاۋدى جوسپارلاپ وتىر.
سونىمەن قاتار، ازات شاعىن اۋدانىندا تابيعي گاز جۇيەلەرىنىڭ قۇرىلىسىن جۇرگىزۋ ءۇشىن 2020 جىلعا جەرگىلىكتى بيۋدجەتتەن 30،7 ملن تەڭگە قارجى قارالعان. "ىنتىماق بەس ارىس" كومپانياسى قۇرىلىس جۇمىستارىن مامىر ايىندا باستاعان. جالپى قۇنى 236،3 ملن تەڭگەنى قۇرايتىن جوبا قۇرىلىسى كەستە بويىنشا كەلەر جىلى اياقتالۋى ءتيىس.

سوڭعى جاڭالىقتار

ۇقساس جاڭالىقتار