وڭتۇستىك قازاقستان • 04 تامىز، 2020

قاراتاۋ اۋدانىندا ۇيلەر مەملەكەتتىك ەلەكتر ەنەرگياسىنا قوسىلعان

13 رەت كورسەتىلدى

بۇگىنگى تاڭدا قاراتاۋ اۋدانىندا 47 مىڭنان استام تۇرعىن ءۇي بار. ونىڭ 80،8 پايىزى مەملەكەتتىك قۋات كوزىنە قوسىلعان. ال، قالعان 19،2 پايىزى جەكەمەنشىك ترانسفورماتوردان قۋات الادى ەكەن. قازىردە قاراتاۋداعى بىرنەشە شاعىن اۋداندا ەلەكتر جەلىلەرىن تارتۋ جۇمىستارى جۇرگىزىلىپ جاتىر. 

ناقتىراق ايتار بولساق، دوستىق شاعىن اۋدانىنداعى ەلەكتر جەلىلەرىنىڭ قۇرىلىسىنا 2019 جىلى بيۋدجەتتەن 400 ملن تگ قاراستىرىلىپ، جۇمىسى باستالعان بولاتىن. بيىل تاعى 240،6 ملن تەڭگە ءبولىنىپ، ەلەكتر باعانالارى ورناتىلىپ جاتىر. جالپى جوبا قۇنى 848،1 ملن تەڭگەنى قۇرايدى. مەردىگەر "كازالفاستروي" كومپانياسى ەلەكتر جەلىسىن كەلەر جىلدىڭ قاراشا ايىندا قۇرىپ ءبىتىرۋى ءتيىس. ناتيجەسىندە، 47 كم جەلى جانە 13 دانا كتپ ورناتىلاتىن بولادى.

مۇنان وزگە، تۇران شاعىن اۋدانىندا ەلەكتر جارىعى قۇرىلىسىنا بيىلدىڭ وزىندە  256،3 ملن تەڭگە قاراستىرىلىپ، "ابم بيلدينگ" جشس-ى تاراپىنان جۇمىستارى باستالدى. جالپى قۇنى 2 ملردتان اساتىن جوبا 2021 جىلى قاراشا ايىندا قولدانىسقا بەرىلەدى.

ال،  اسار-2 شاعىن اۋدانىنداعى ەلەكتر جەلىلەرىنىڭ قۇرىلىسىنا 2019 جىلى بيۋدجەتتەن 700 ملن تەڭگە قاراستىرىلعان. بيىل بولسا، 474،8 ملن تەڭگە ءبولىنىپ، قۇرىلىس جۇمىستارى اتقارىلىپ جاتىر. قۇنى 1 ملرد-تان اساتىن قۋات جەلىسىن "رەمستروي الماتى" كومپانياسى وسى كۇزدە سالىپ ءبىتۋى قاجەت.

مۇنان بولەك، قاراتاۋ اۋدانىنداعى تاسساي، ازات، قايتپاس شاعىن اۋداندارىندا دا ەلەكتر باعانالارىن ورناتۋ جۇمىستارى ءجۇرىپ جاتقانىن ايتا كەتكەن ءجون.

سوڭعى جاڭالىقتار

ۇقساس جاڭالىقتار