ايماقتار • 04 تامىز، 2020

جولداردى كۇتىپ ۇستاماعان 13 لاۋازىمدى تۇلعا جاۋاپكەرشىلىككە تارتىلدى

15 رەت كورسەتىلدى

سولتۇستىك قازاقستاننىڭ  اكىمشىلىك پوليتسيا باسقارماسى قىزمەتكەرلەرى جىلىنا ەكى رەت اۆتوموبيل جولدارىنا، كوشە-جول توراپتارىنا جانە قۇرىلىستارىنا كەشەندى تەكسەرۋ جۇرگىزەدى، دەپ جازادى Egemen.kz

جول جانە تەحنيكالىق ينسپەكتسيا ءبولىمىنىڭ ماماندارىمەن اۆتوجولداردىڭ تەحنيكالىق جاعدايى، جول ينفراقۇرىلىمدارىنىڭ ەرەجەلەر مەن ستاندارتتارعا سايكەستىلىگى، جاڭعىرتۋ جۇمىستارى جۇرگىزىلىپ جاتقان جولداردان باسقا رەسپۋبليكالىق ماڭىزى بار تاس جولدار ينسپەكتسيالانادى.

جۋىردا بولعان سونداي تەكسەرىس بارىسىندا 1716 جول بەلگىلەرى مەن باعىتتىق كورسەتكىشتەردى ورناتۋ جانە اۋىستىرۋ، سونداي-اق 18 اۆتوبۋس ايالداماسى مەن تۇراقتاردى جوندەۋ قاجەتتىلىگى انىقتالدى. جولدى جانە جول قۇرىلىستارىن كۇتىپ-ۇستاۋدىڭ 1000-نان استام كەمشىلىگى انىقتالىپ، 13 لاۋازىمدىق تۇلعا جاۋاپكەرشىلىككە تارتىلدى.

سونداي-اق 26 كوپىر مەن جول سىمدارىن تەكسەرۋ كەزىندە 71 اقاۋ انىقتالدى. تەكسەرىس ناتيجەسى بويىنشا بارلىق مۇددەلى ورگاندارعا جول ءجۇرىسىن ۇيىمداستىرۋدى جاقسارتۋ بويىنشا ۇسىنىمدار جولداندى.

وبلىس ورتالىعىنداعى جول-كوشە تورابى دا جوندەۋدى قاجەت ەتەدى. ونىڭ ىشىندەگى وزەكتىسى – ع.مۇسىرەپوۆ جانە يندۋستريال كوشەلەرىنىڭ قيىلىسىنا باعدارشام وبەكتىلەرىن ورناتۋ. قازىر بۇل جەردە جاڭا شاعىن اۋدانداردىڭ دامۋىنا بايلانىستى كولىك جانە جاياۋ جۇرگىنشىلەر لەگى ەداۋىر ارتقان. كولىك قوزعالىسى كوپ ءتورت كوشە قيىلىسىن بوساتۋ ءۇشىن ولاردى وڭ جاققا بۇرىلاتىن جولدارمەن جابدىقتاۋ ۇسىنىلدى.

سونداي-اق قالا شەتىندەگى كوشەلەردىڭ اپاتتىق قاۋىپتى ۋچاسكەلەرىن جارىقتاندىرۋ، جاڭا تۇرعىن ءۇيدى جوسپارلاۋ جانە سالۋ كەزىندە كولىك تۇراقتارىن قاراستىرۋ ۇسىنىلدى.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار