ۇكىمەت • 04 تامىز، 2020

ۇكىمەت 500 مىڭ وقۋشىنى كومپيۋتەرمەن قامتاماسىز ەتەدى

1589 رەت كورسەتىلدى

پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا جاڭا 2020-2021 وقۋ جىلىنىڭ باستالۋىنا دايىندىق  ماسەلەسى قارالدى، - دەپ حابارلايدى Egemen.kz

اتقارىلىپ جاتقان جۇمىستار تۋرالى قر ءبىلىم جانە عىلىم ءمينيسترى ا. ايماعامبەتوۆ، قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ مىندەتىن ۋاقىتشا اتقارۋشى ب. مۋسين، باتىس قازاقستان وبلىسىنىڭ اكىمى ع. ەسقاليەۆ، سولتۇستىك قازاقستان وبلىسىنىڭ اكىمى ق. اقساقالوۆ، قاراعاندى وبلىسىنىڭ اكىمى ج. قاسىمبەك باياندادى.

2020-2021 وقۋ جىلىندا قازاقستاننىڭ 7 391 مەكتەبىندە 3،3 ملن-نان استام ادام، ونىڭ ىشىندە 1 سىنىپتا 396 مىڭنان استام بالا ءبىلىم الادى. قازىرگى جاعدايدا وقۋ جىلىنىڭ ءبىرىنشى توقسانى قاشىقتان وتەدى. وقىتۋدىڭ ءداستۇرلى فورماتى بارلىق سانيتارلىق نورمالاردى قاتاڭ ساقتاي وتىرىپ، تەك شاعىن فورماتتاعى مەكتەپتەردە، سونداي-اق  باستاۋىش مەكتەپتىڭ «كەزەكشى» سىنىپتارىندا ساقتالادى.

ۇكىمەت باسشىسى وقىتۋ ادىستەمەسىن تولىق پىسىقتاپ، بيىلعى 20 تامىزعا دەيىن الداعى وقۋ ءۇردىسى تۋرالى تولىق اقپارات بەرە وتىرىپ، ونلاين رەجيمدە رەسپۋبليكالىق اتا-انالار جينالىسىن ۇيىمداستىرۋدى تاپسىردى.

"ۇكىمەت اسا مۇقتاج وتباسىلاردىڭ بالالارىنا پايدالانۋ ءۇشىن شامامەن 500 مىڭ كومپيۋتەر بەرۋدى قامتاماسىز ەتەدى. سونداي-اق اكىمدىكتەر جەرگىلىكتى دەڭگەيدە كومپيۋتەر تەحنيكاسىمەن قامتاماسىز ەتۋ ماسەلەسىن پىسىقتاسىن"، — دەدى ا. مامين.  

پرەمەر-مينيستر ءبىلىم جانە عىلىم مينيسترلىگىنە اكىمدىكتەرمەن بىرلەسىپ، وسى جىلدىڭ 25 تامىزىنا دەيىن وقۋشىلار مەن پەداگوگتەردىڭ وقۋ جىلىنىڭ قاشىقتان باستالۋىنا تولىق دايىن بولۋىن، مۇعالىمدەردىڭ ءتيىستى وقۋدان وتكىزىلۋىن، ينتەرنەت-پلاتفورمالاردا جانە تەلەديداردا قاجەتتى كونتەنتتىڭ تولىق كولەمدە دايىندالۋىن قامتاماسىز ەتۋدى تاپسىردى. 

وقۋلىقتار 25 تامىزعا دەيىن بەرىلەدى. وقۋلىقتاردىڭ قاعاز جۇزىندەگى نۇسقالارىنىڭ بارىندە مىندەتتى تۇردە ەلەكتروندىق نۇسقالارى بولۋى ءتيىس، ولار قولجەتىمدى بولۋى قاجەت.

تسيفرلىق دامۋ مينيسترلىگىنە اكىمدىكتەرمەن جانە بايلانىس وپەراتورلارىمەن بىرلەسىپ، ءبىلىم بەرۋ رەسۋرستارىنىڭ قولجەتىمدىلىگى مەن ورنىقتىلىعىن، سونداي-اق ەلدى مەكەندەردە ينتەرنەتتىڭ ساپاسى مەن جىلدامدىعىن قامتاماسىز ەتۋ تاپسىرىلدى. 

اكىمدىكتەر مەن دەنساۋلىق ساقتاۋ مينيسترلىگىنە وقىتۋدى ءداستۇرلى اشىق تۇردە جالعاستىراتىن باستاۋىش مەكتەپتىڭ «كەزەكشى» سىنىپتارىندا جانە شاعىن مەكتەپتەردە سانيتاريالىق-ەپيدەميولوگيالىق نورمالاردى قاتاڭ ساقتاۋ بويىنشا بارلىق قاجەتتى شارالاردى قابىلداۋ تاپسىرىلدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار