ەلوردا • 03 تامىز، 2020

جۇمىسسىزدار ءۇشىن قاجەتتى ماماندىقتاردى تەگىن وقىتۋعا ءوتىنىم قابىلداۋ باستالدى

902 رەت كورسەتىلدى

وقىتۋ كەزىندە 21 787 تەڭگە كولەمىندە شاكىرتاقى تولەنەدى. بۇل تۋرالى نۇر-سۇلتان اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

"ەڭبەك" مەملەكەتتىك باعدارلاماسى اياسىندا جۇمىس بەرۋشىلەردىڭ ءوتىنىمى ارقىلى ۇيىمداستىرىلاتىن كاسىپتىك وقىتۋدان كەيىن جۇمىسسىزدار ارى قاراي ەڭبەكپەن قامتىلادى. ەلوردالىق جۇمىسپەن قامتۋ ورتالىعىنداعى قىسقا مەرزىمدى كاسىپتىك وقىتۋعا قاتىسۋ ءۇشىن الدىن الا جازىلۋ قاجەت.

اسپاز، ناۋبايشى، كونديتەر، تىگىنشى، تىگىنشى شەبەر، شەبەر-شاشتاراز، باقىلاۋشى-كاسسير، انيماتسيا جانە ۆيدەوگرافيا، تاربيەشىنىڭ كومەكشىسى، جيھاز قۇراستىرۋشى، اعاش بويىنشا بوياۋ تسەحىنىڭ شەبەرى، ارماتۋراشى، مونتاجشى، گاز جابدىعىن پايدالانۋ جانە جوندەۋ جونىندەگى سلەسار، گاز ەلەكتر دانەكەرلەۋشىسى، ەلەكتروسلەسار، جارتىلاي اۆتوماتتى ماشيناداعى ەلەكتر دانەكەرلەۋشىسى ماماندىقتارىن دايارلاۋ بويىنشا وقىتىلادى.

بۇگىنگى تاڭدا "ەڭبەك" مەملەكەتتىك باعدارلاماسى اياسىندا قىسقا مەرزىمدى كاسىپتىك وقۋعا قاتىسۋ ءۇشىن 155 ورىن اشىلدى. وقىتۋ مەرزىمى بىلىكتىلىك پەن داعدىلارىنا بايلانىستى ءبىر ايدان ءۇش ايعا دەيىنگى ارالىقتى قامتيدى. كاسىپتىك وقىتۋ ءبىلىم بەرۋ ۇيىمدارىندا دۋالدى وقىتۋ ەلەمەنتتەرىمەن جۇزەگە اسىرىلادى. قاتىسۋشىلار – جۇمىسپەن قامتۋ ورتالىعىندا تىركەلگەن جۇمىسسىزدار، جۇمىسىنان قىسقارعاندار.

"قاتىسۋ ءۇشىن نۇر-سۇلتان قالاسىندا تۇراقتى نەمەسە ۋاقىتشا تىركەۋدىڭ بولۋى، قولدانىستاعى نەمەسە توقتاتىلعان جك نەمەسە جشس بولماۋى قاجەت. باعدارلاماعا قاتىسۋشىلار مەملەكەتتىك قولداۋمەن قامتاماسىز ەتىلەدى، وقۋ كەزەڭىندە 21 787 تەڭگە مولشەرىندە شاكىرتاقى جانە مەديتسينالىق تەكسەرۋدەن ءوتۋ ءۇشىن 5 556 تەڭگە (2 اەك) مولشەرىندە ماتەريالدىق كومەك تولەنەدى"، دەپ حابارلادى ەلوردالىق جۇمىسپەن قامتۋ ورتالىعى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار