ايماقتار • 03 تامىز، 2020

الماتىدا سۋ باسىپ قالاتىن ۋچاسكەلەر سانى 4 ەسە تومەندەدى

31 رەت كورسەتىلدى

ءۇش جىل بۇرىن تجد-ءنىڭ ەسەبىندە نوسەر جاڭبىر جاۋعان كەزدە سۋ استىندا قالۋ قاۋپى بار 67 ۋچاسكە تىركەلگەن ەدى. بۇل تۋرالى الماتى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

بۇل ماسەلەنى كەشەندى شەشۋ ءۇشىن سۋ استىندا قالۋ قاۋپى بار ۋچاسكەلەردىڭ سانىن ازايتاتىن پارمەندى شارالار قابىلداندى. ماسەلەن، 497 شاقىرىم ارىق جەلىلەرى سالىندى، 410 شاقىرىم وزەن ارنالارى نىعايتىلدى.

ناقتى جۇرگىزىلگەن جۇمىستاردىڭ ارقاسىندا 57 ۋچاسكەنىڭ سۋ باسىپ قالۋ قاۋپى جويىلدى، نوسەر جاڭبىر كەزىندە ولارعا ەش زيان كەلگەن جوق. ناتيجەسىندە قالادا سۋ استىندا قالۋ قاۋپى بار جەرلەر 4 ەسە ازايدى، ياعني سۋ باسىپ قالۋى مۇمكىن ۋچاسكەلەر 67-دەن 17-گە دەيىن ازايدى.

الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا سۋ باسىپ قالۋ الگوريتمى قايتا جاسالدى، قاتتى جاڭبىر بولجامى بويىنشا قولدا بار كۇشتەر مەن مۇمكىندىكتەر قاۋىپتى ۋچاسكەلەرگە جۇمىلدىرىلدى. قولدانىلعان جەدەل شارالار مۇنداي قاۋىپتى ايماقتاردىڭ سانىن 7 ەسەگە دەيىن تومەندەتتى.

سۋ باسىپ قالۋى مۇمكىن 17 ۋچاسكە بويىنشا جۇيەلى جۇمىستار جۇرۋدە، جاۋىن كارىزدەرى، ارىق جەلىلەرى سالىنىپ، باسقا دا ناقتىلى شارالار ىسكە اسۋدا.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار