ۇسىنىستار كەلەسى جانرلىق باعىتتار بويىنشا قابىلدانادى:
• ۇلتتىق, وتباسىلىق قۇندىلىقتار;
• تاريحي تۇلعالار جانە تاريحي مۇرانى ناسيحاتتاۋ;
• اسكەري-پاتريوتتىق (سپورت الەمىندەگى كورنەكتى تۇلعالار);
• رەتروسپەكتيۆا;
• مەديتسينا;
• ءبىلىم, كاسىپ يگەرۋ, جاستار تاربيەسى;
• تابيعاتقا قامقورلىق;
• اۋىل تىنىس-تىرشىلىگى;
تاريحي تۇلعالار تاقىرىبى بويىنشا تومەندە اتالاتىن كورنەكتى تۇلعالار تۋرالى تەلەحيكايالارعا ۇسىنىستار قابىلدانادى: ساكەن سەيفۋللين, قانىش ساتباەۆ, مۇقاعالي ماقاتاەۆ, دينا نۇرپەيىسوۆا جانە ەسىمى تاريحقا اينالعان ابىز دومالاق انا ءومىرى جايىنداعى تۋىندىلار.
بايقاۋعا قاتىسۋشى كومپانيا ارنايى كونتسەپتسيا جولداۋى كەرەك. جوبانىڭ يدەياسى, جانرى, سمەتالىق شىعىنى, كومپانيانىڭ تەحنيكالىق جاعدايى, ماماندارىنىڭ بىلىكتىلىك قۇرامى جانە فيلموگرافياسى قامتىلۋى ءتيىس. ۇسىنىستار فيلمدەر مەن تەلەحيكايالار وندىرىسىندە تاجىريبەسى بار, تەحنيكالىق مۇمكىندىگى جوعارى كومپانيالاردان عانا قابىلدانادى.
وتىنىشتەردى قابىلداۋ 2020 جىلعى 30 قىركۇيەككە دەيىن (kaztrk@kaztrk.kz ەلەكتروندى پوشتاسى ارقىلى) جۇرگىزىلەدى.
