ايماقتار • 03 تامىز، 2020

كەنشىلەر قالاسىندا ىندەتپەن كۇرەس قالاي جۇرۋدە؟

17 رەت كورسەتىلدى

جۇقپالى ىندەت تارالۋىنىڭ الدىن الۋ مەن كۇرەس جۇمىسى تەكەلى قالاسىندا دا قارقىنمەن ءجۇرىپ جاتىر. دەرەك بويىنشا شاعىن قالاداعى كوروناۆيرۋس ينفەكتسياسىن جۇقتىرعان ادامدار سانى ەكى جۇزدەن اسقان. قازىر ساقتىق شاراسى كۇشەيتىلىپ، ناۋقاستاردىڭ ەمدەلىپ شىعۋى ءۇشىن بارلىق جاعداي جاسالۋدا، دەپ حابارلايدى egemen.kz.

قالا كوشەلەرى مەن ايالدامالاردى، اۋلالار مەن ويىن الاڭدارىن سانيتارلىق دەزينفەكتسيالاۋ جۇمىسى كەستەگە ساي جۇرگىزىلۋدە ەكەن. بۇل ىسپەن "داريس" كومپانياسى اينالىسىپ وتىر. ال قوعامدىق ورىندارداعى الەۋمەتتىك اراقاشىقتىقتىڭ ساقتالۋى مەن ادامداردىڭ ماسكا تاعۋىن باقىلاۋ جۇمىسى دا ءجىتى نازاردا. جۇرتتى قاۋىپتى ىندەت زاردابىن جويىپ، ودان ءارى تارالماۋىنا ۇندەۋ جۇرگەن ەرىكتىلەر مەن بەلسەندىلەر قاتاپرىندا قالا اكىمى باقتيار ونەرباەۆ تا ءجۇر.

وسىنداي سىندارلى ءساتتى كەنشىلەر قالاسىنىڭ كاسىپكەرلەرى دە العى ساپتان كورىنىپ، دەنساۋلىق كۇزەتىندەگى دارىگەرلەر قاۋىمىن قولداۋعا كىرىسكەن. مىسالعا، تەكەلىلىك قوس دەپۋتاتتىڭ باستاماسىمەن مەديتسينا قىزمەتكەرلەرىنە كومەك كورسەتىلۋدە. "اتامەكەن" كاسىپكەرلەر پالاتاسىنىڭ باستاماسىنا ءۇن قوسقان قالالىق ءماسليحات دەپۋتتارى تۇرىسبەك اكىمحان ۇلى مەن ءداۋبولات بەيسەنباي ۇلى ورتالىق اۋرۋحانانىڭ 50 قىزمەتكەرىن 3 مەزگىل ىستىق تاماقپەن قامتىپ وتىر. ال ناۋقاستارمەن تىكەلەي بايلانىستا بولعان مەديتسينا قىزمەتكەرلەرى ءۇشىن ارنايى جاتىن ورنى دايىندالعان. دارىگەرلەر توسەك جابدىعى مەن باسقا دا قاجەتتەلىكتەرىن دە تەكەلىلىك قوس دەپۋتات تولىقتاي ءوز مويىندارىنا الىپتى. سونداي-اق، مەديتسينا قىزمەتكەرلەرىن قولداۋعا تەكەلى قالاسىنداعى "قۋانىش" ناۋبايحاناسى دا ۇلەس قوسۋدا. كاسىپورىن دارىگەرلەردى نان ونىمدەرىمەن تەگىن قامتۋدا. مۇنان بولەك، تەكەلى قالالالىق كاسىپتىك كوللەدج ۇجىمى دا اق جەلەڭدى ابزال جانداردى قولداۋ ىسىنەن شەت قالعان جوق.

ايتپاقشى، قۇربان ايت مەركەسى قارساڭىندا قالاداعى "كەرىمبەك بي" مەشىتىنىڭ جاماعاتى باستاما كوتەرىپ، ورتالىق اۋرۋحاناعا اسا قاجەتتى قۇرال-جابدىق ساتىپ الىپ بەرۋ ءۇشىن قارجى جيناعان بولاتىن. ول قارجىعا وتتەگى كونتسەنتراتورى مەن 50 دانا "KN 95" رەسپيراتورىن جانە باسقا دا قورعانىش كيىمدەر، بەتپەردە الىپ، اۋرۋحاناعا سىيلادى. وسىنداي يگى باستاماعا كەنشىلەر قالاسىنىڭ ۇستازدار قاۋىمى دا ات سالىسىپتى. تەكەلى قالاسىنداعى 1 مەكتەپ ۇجىمىنىڭ باستاماسىمەن ورتالىق اۋرۋحاناعا1 دانا وتتەگى كونتسەنتراتورى مەن پۋلس وكسيمەترى تابىس ەتىلگەن ەكەن. قاجەتتى قاراجات سوماسىن جيناپ بەرۋگە قالاداعى بىرنەشە مەكتەپ، كوللەدج وقىتۋشىلارى، تۋريزم ورتالىعى مەن بالاباقشا ۇجىمى جانە اتا-انالار ۇلەس قوسقان. اۋىزبىرلىك تانىتقان اعايىن ساتىپ الىنعان اپپاراتقا قاجەتتى 765 مىڭ تەڭگەنى ءبىراۋىزدان جيناپتى.

سونداي-اق، دەمەۋشىلەر قارجىسىنا دا تىنىس الۋ قۇرىلعىسىن ساتىپ الۋ ءىسى جولعا قويىلعان. بۇعان دەيىن "ايدىڭ نۇرى" قايىرىمدىلىق قورىنىڭ باستاماسىمەن ساتىپ الىنعان وتتەگى كونتسەنتراتورى تەكەلىگە كەلىپ جەتكەن ەدى. قالا كاسىپكەرلەرى دە ءوز قارجىسىنا ءبىر اپپارات ساتىپ الىپ بەرگەن-ءدى. ال جاقىندا الماتى وبلىسىنا تۇركيا مەن وزبەكستاننان گۋمانيتارلىق كومەك كەلگەن بولاتىن. شارا اياسىندا تەكەلى قالالىق اۋرۋحاناسىنا وكپەنى جاساندى جەلدەتۋ اپپاراتى مەن مەديتسنالىق قورعانىش كيءىم-كەشەگى تابىس ەتىلدى.

سوڭعى جاڭالىقتار

ەل گازەتىنىڭ جاڭا جوباسى

وقيعا • بۇگىن، 08:05

ءبىلىم – باستى قۇندىلىق

ايماقتار • بۇگىن، 07:40

ءاسانالى جانە «اي مەن ايشا»

تانىم • بۇگىن، 07:26

حاتتار، حاتتار...

تانىم • بۇگىن، 07:08

«قاراقشىلىق» قارەكەتى

تانىم • بۇگىن، 06:56

قۇمىرسقالار قالاشىعى

وقيعا • بۇگىن، 06:45

كاسىپورىنداردىڭ تيىمدىلىگى ارتادى

تەحنولوگيا • بۇگىن، 06:33

جۇمىسپەن قامتۋ – باستى مىندەت

ساياسات • بۇگىن، 06:28

ابدىراماي العا ۇمتىلعاندار

ايماقتار • بۇگىن، 06:16

ەل دامۋىنا سەرپىن بەرەدى

پىكىر • بۇگىن، 06:06

كوسوبۋتسكيدىڭ قارسىلاسى كىم؟

كاسىپقوي بوكس • بۇگىن، 06:00

شىعىسقا قار ءتۇستى

ايماقتار • كەشە

ۇقساس جاڭالىقتار