ەلدەگى ەكىنشى قالا سانالاتىن مەلبۋرن بۇعان دەيىن دە 6 اپتا كارانتينگە جابىلعان ەدى. ءبىر كۇننىڭ ىشىندە اۋرۋ جۇقتىرعان ۆيكتوريالىقتار سانى 671 ادام بولىپ, 5 ملن تۇرعىنى بار شتات ورتالىعى ساعات 20:00 دەن 05:00- گە دەيىن كومەندانتتىق ساعاتتىڭ تارتىبىنە باعىنۋى ءتيىس دەگەن شەشىم شىققان. ۆيكتوريا پرەمەر-ءمينيسترى دەنيەل ەندريۋس: "قاتاڭ ءتارتىپ اۋرۋدى كۇندەلىكتى مىڭداعان ادامنىڭ جۇقتىرۋىن شەكتەيدى دەپ ويلايمىز. وسىعان دەيىنگى شارالاردىڭ تيىمدىلىگى از بولۋىنا بايلانىستى ازاماتتاردىڭ ەندى ۇيلەرىنەن تەك جۇمىسقا بارۋ ءۇشىن جانە كومەك الۋعا عانا شىعۋىنا رۇقسات", دەپ مالىمدەدى.
بۇعان قوسا مەلبۋرن تۇرعىندارىنىڭ دالاعا, تازا اۋاعا شىعۋىنا دا بەلگىلى ءبىر تارتىپتەر ەنگىزىلگەن. سۋپەرماركەتتەر جۇمىسى توقتاماعانىمەن, مەيرامحانا مەن ءدامحانالار ەسىگى كەلۋشىلەرگە جابىق, تەك تاپسىرىس قابىلداپ, ۇيگە جەتكىزىپ بەرۋدى موينىنا الادى.
