قازاقستان • 02 تامىز، 2020

COVID-19 بويىنشا جاڭارتىلعان ستاتيستيكانىڭ العاشقى ناتيجەلەرى شىقتى

201 رەت كورسەتىلدى

قازاقستان رەسپۋبليكاسىندا COVID-19 بويىنشا جاڭارتىلعان ستاتيستيكانىڭ العاشقى ناتيجەلەرى شىقتى، - دەپ حابارلايدى Egemen.kz

COVID–19 جانە پنەۆمونيا جاعدايلارى بويىنشا دەرەكتەردىڭ بارىنشا اشىقتىعىن قامتاماسىز ەتۋ ماقساتىندا قازاقستان رەسپۋبليكاسى دەنساۋلىق ساقتاۋ مينيسترلىگى 18 شىلدەدەن باستاپ ستاتيستيكالىق دەرەكتەردى ەسەپكە الۋ مەن قالىپتاستىرۋدىڭ جاڭا تاسىلدەرىن ايقىندادى.

ددسۇ-نىڭ ەۋروپالىق ايماقتىق بيۋروسىمەن بىرقاتار تەحنيكالىق كونسۋلتاتسيالاردان كەيىن اۋرۋلاردىڭ حالىقارالىق جىكتەمەسىنىڭ جاڭا كودتارى بويىنشا COVID-19 جاعدايلارىن كودتاۋعا جانە ەسەپكە الۋعا كوشۋ تۋرالى شەشىم قابىلداندى. 2020 جىلدىڭ 1 تامىزىنان باستاپ COVID-19 زەرتحانالىق راستالعان جاعدايلارى كوروناۆيرۋس ينفەكتسياسىنىڭ كلينيكالىق جانە ەپيدەميولوگيالىق بەلگىلەرى بار پتر تەستتىڭ تەرىس ناتيجەسى، پنەۆمونيا جاعدايلارى ەسكەرىلەدى.

كوروناۆيرۋس ينفەكتسياسى جانە پنەۆمونيانى ەسەپكە الۋدىڭ وزگەرتىلگەن تاسىلدەرى اۋرۋدىڭ دۇرىس بولجامدارىن جاساۋعا، قاجەتتى رەسۋرستاردى: مەديتسينالىق كادرلاردى، توسەك-ورىندارىن، مەديتسينالىق جابدىقتاردى، دارىلىك زاتتاردى بارابار جوسپارلاۋعا، سونداي-اق ستاتيستيكانىڭ اشىقتىعىن قامتاماسىز ەتۋگە مۇمكىندىك بەرەدى. بۇل ءبىزدىڭ مەملەكەتىمىزدىڭ كوروناۆيرۋستىق پاندەمياعا بىرلەسىپ قارسى تۇرۋعا جانە ونىڭ سالدارىن حالىقارالىق قاۋىمداستىقپەن تىعىز بايلانىستا زەرتتەۋگە دايىن ەكەندىگىنىڭ اشىق ساياساتىن كورسەتەدى.

قازاقستان رەسپۋبليكانىڭ دەنساۋلىق ساقتاۋ مينيسترلىگى كوروناۆيرۋستىق ينفەكتسيا بويىنشا ستاتيستيكالىق دەرەكتەردىڭ دۇرىستىعىن قامتاماسىز ەتۋ ءۇشىن كودتاۋ الگوريتمى مەن اقپاراتتىق جۇيەلەرگە دەرەكتەردى ەنگىزۋ جونىندەگى نۇسقاۋلىقتى ازىرلەدى، احج-10 جىكتەمەسىندە COVID-19 كودتارىن تاعايىنداۋعا قاتىستى مەديتسينا قىزمەتكەرلەرىن وقىتتى.

وسىلايشا، 2020 جىلدىڭ 1 تامىزىنداعى جاعداي بويىنشا، COVID-19 زەرتحانالىق راستالعان جاعدايلاردىڭ سانى - 1226، سوڭعى ءبىر تاۋلىكتە 36 ادام قايتىس بولدى. انىقتالماعان ەتيولوگياسى بار، بىراق كوروناۆيرۋستىق ينفەكتسيانىڭ كلينيكالىق جانە ەپيدەميولوگيالىق بەلگىلەرى تابىلعان پنەۆمونيامەن اۋىرعاندار سانى – 5181. وتكەن تاۋلىكتە پنەۆمونيا دياگنوزىمەن 30 ءولىم جاعدايى تىركەلدى.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار