فوتو: اشىق دەرەككوز
The Boston Globe باسىلىمىنىڭ مالىمەتىنشە, اپات 7 مامىردا جەرگىلىكتى ۋاقىتپەن ساعات 15:30 شاماسىندا بولعان. Bearhawk LSA-8X ۇشاعى كەيپ-كود گەيتۆەي اۋەجايىنا قونۋ كەزىندە جولاققا ءتيىپ, اۋدارىلىپ كەتكەن. اقش-تىڭ فەدەرالدىق ازاماتتىق اۆياتسيا باسقارماسى بۇل اقپاراتتى رەسمي تۇردە راستادى.
اپات كەزىندە بورتتا تەك ۇشقىش بولعان. حاياننيس ءورت ءسوندىرۋ كۇزەتى لەيتەنانتىنىڭ ايتۋىنشا, قۇتقارۋشىلار جەتكەنشە ۇشقىش ۇشاقتان ءوزى شىعىپ ۇلگەرگەن. وعان وقيعا ورنىندا مەديتسينالىق كومەك كورسەتىلدى, الايدا العان جاراقاتتارىنىڭ جەڭىل بولۋىنا بايلانىستى اۋرۋحاناعا جاتقىزۋ قاجەت بولماعان.
وقيعا سالدارىنان اۋەجاي جۇمىسى 45 مينۋتقا توقتاتىلعان. حاياننيس قۇتقارۋشىلارى مەن بارنستەيبل پوليتسياسى جانارمايدىڭ اعۋىن جەدەل توقتاتىپ, ءورت قاۋپىنىڭ الدىن الدى. اۋەجاي اكىمشىلىگى نىسانعا ايتارلىقتاي ماتەريالدىق شىعىن كەلمەگەنىن مالىمدەدى.
قازىرگى ۋاقىتتا اقش-تىڭ كولىكتەگى قاۋىپسىزدىك جونىندەگى ۇلتتىق باسقارماسى اپاتتىڭ ناقتى سەبەپتەرىن انىقتاۋ ءۇشىن تەرگەۋ جۇمىستارىن باستاپ كەتتى.
اسىلجان قۇرمانعالي
