قازاقستان • 01 تامىز، 2020

كەشەندى تەستىلەۋگە قانداي وزگەرىستەر ەنگىزىلدى؟

43 رەت كورسەتىلدى

ماگيستراتۋراعا وقۋعا ءتۇسۋ ءۇشىن قۇجاتتاردى قابىلداۋ 19 شىلدەدە اياقتالدى. بيىل 38 مىڭنان استام ادام كەشەندى تەستىلەۋ تاپسىرۋعا نيەت ءبىلدىردى. 2019 جىلى ماگيستراتۋراعا تۇسۋگە تىلەك بىلدىرۋشىلەر سانى 30 579 ادامدى قۇرادى. 13 300 ازامات ماگيستراتۋرادا ەڭبەك نارىعىندا سۇرانىسقا يە باعىتتار بويىنشا مەملەكەت قاراجاتى ەسەبىنەن وقي الادى. بۇل تۋرالى بعم ءباسپاسوز قىزمەتى حابارلادى، - دەپ جازادى Egemen.kz

كەشەندى تەستىلەۋ 17 تامىزدا باستالادى. كت كومپيۋتەرلىك فورماتتا بولادى.

ءار قاتىسۋشى ءۇشىن تەستىلەۋ دەربەس وتەدى. تەستىلەنۋشىلەر سۇراقتاردى وتكىزىپ جىبەرىپ، الدىڭعى سۇراقتارعا قايتا ورالا الادى جانە جاۋاپ نۇسقالارىن وزگەرتە الادى. تەستىلەۋ اياقتالعان سوڭ 30 مينۋت ىشىندە اپپەلياتسياعا تاپسىرۋعا بولادى.

تەستىلەۋ ۋاقىتى 3 ساعات 55 مينۋتتى قۇرايدى، تاپسىرمالار سانى 130 بولادى.

تەستىلەۋدەن ءوتۋ ۋاقىتى مەن ورنى تۋرالى اقپارات ءسىزدىڭ جەكە كابينەتىڭىزگە جىبەرىلەدى (قر بعم ۇتو سايتىندا).

سوڭعى جاڭالىقتار

ۇقساس جاڭالىقتار