ايماقتار • 01 تامىز، 2020

اداسقان بالا ءۇيىن تاپتى

74 رەت كورسەتىلدى

سولتۇستىك قازاقستان وبلىسىنىڭ قىزىلجار اۋدانىنداعى توقۋشى اۋىلىندا تۇراتىن بەس جاسار ءبۇلدىرشىن دالادا ويناپ ءجۇرىپ، بالالارمەن بىرگە ورمان جاققا بارادى. ودان ءارى توپ بالادان كوز جازىپ قالعان بالا اداسىپ، جىلاپ، دالا كەزىپ كەتەدى، - دەپ جازادى Egemen.kz

ونى تراكتورىمەن جۇمىستان قايتىپ كەلە جاتقان كورشىلەس زنامەنسكوە اۋىلىنىڭ تۇرعىنى اندرەي موحوۆ كورىپ، ايدالادا كەشكى مەزگىلدە جالعىز جۇرگەن ءبۇلدىرشىندى تراكتورىنا وتىرعىزىپ الادى. قورقىپ قالعان بالا وعان ەشتەڭە ايتا الماي، تەك ءوزىنىڭ ەسىمىن قايتالاي بەرەدى. مەحانيزاتور ونى ءوزىنىڭ ۇيىنە اكەلىپ، ۋچاسكەلىك ينسپەكتورعا تەلەفون ارقىلى حابارلايدى.

بۇل ۋاقىتتا بالانىڭ شەشەسى شارق ۇرىپ، بالانى ءوز اۋىلىنان ىزدەپ جۇرگەن ەكەن. پوليتسيا كاپيتانى سەرىك جولتانوۆ جوعالعان بالا تۋرالى اقپاراتتى كورشى اۋىلدارعا حابارلايدى. بۇل حاباردى ەستىگەن شەشەسى دە تەزىرەك جەتىپ، پوليتسيا بولىمىندە نان جەپ وتىرعان بوبەگىمەن قاۋىشادى. "ايتەۋىر بالانىڭ امان تابىلعانىنا ءبارىمىز دە قۋاندىق. ول ءوز اۋىلىنان 10 شاقىرىمعا جۋىق جەرگە كەتىپ قالىپتى. ونى تاۋىپ الىپ، پوليتسياعا تاپسىرعان مەحانيزاتور موحوۆقا دا العىس ايتىلدى. وسى ءىس بويىنشا پروفيلاكتيكالىق شارالار جۇرگىزىلىپ، اتا-انالارعا بالالارىن باقىلاۋ كەرەكتىگى ەسكەرتىلدى"، دەيدى قىزىلجار اۋداندىق پب باستىعىنىڭ مىندەتىن اتقارۋشى، مايور جانىبەك مۇحاماديەۆ.

 

سولتۇستىك قازاقستان وبلىسى

 

سوڭعى جاڭالىقتار

ۇقساس جاڭالىقتار