نۇر-سۇلتاندا ءبىر رەت قولدانىلاتىن مەديتسينالىق ماسكالار ءوندىرىسى اشىلدى.
"10 ماۋسىمدا بىزگە قۇرال-جابدىقتار كەلە باستادى. سودان كەيىن ونى ازىرلەپ, جۇمىسقا قىزمەتكەرلەر قابىلداۋعا كىرىستىك. ال 20 شىلدەدەن باستاپ سىناق رەجيمىندە جۇمىسقا كىرىسىپ, قىزمەتكەرلەردى دە قاتار وقىتۋ باستالدى. كاسىپورىن جولاعى سىناق رەجيمىندە ەكى ميلليونعا جۋىق ماسكا شىعاردى. تولىق وندىرىستىك قۋاتى - ايىنا بەس ميلليون ماسكاعا دەيىن", دەدى "بولاشاق 2019" جشس تەحنيكالىق ديرەكتورى عابيت ءنۇسىپوۆ.
مەديتسينالىق ماسكالاردىڭ ەرەكشەلىگى – سۇزگى قاباتىنا جوعارى قورعانىس قاسيەتى بار جانە سۋ وتكىزبەيتىن ماتەريال قولدانىلادى. قازىرگى ۋاقىتتا كاسىپورىندا ءۇش ماۋسىمدا جۇمىس ىستەيدى. ء"بىز بىرگەمىز" اكتسياسى اياسىندا كاسىپورىن №12 قالالىق ەمحاناعا 5 مىڭ ماسكا جەتكىزىپ بەردى. ماسكالاردىڭ جوسپارلانعان باعاسى - 55 تەڭگە (كوتەرمە ساۋدا), 60 تەڭگە (بولشەك ساۋدا).
بەتپەردە ساتىپ العىسى كەلەتىندەر "بولاشاق 2019" جشس (تم Bolashak fharma) مىنا مەكەن-جاي بويىنشا حابارلاسا الادى: نۇر-سۇلتان ق., بايىرقۇم كوشەسى, 15. تەلەفون ءنومىرى: 8-701-111-58-64, 8-776-311-58-64, 8-775-672-26-36. ەلوردادا باسقا دا بىرقاتار كاسىپورىندار ماسكا تىگۋمەن اينالىسادى. سونىمەن قاتار, اكىمدىك شىلدە ايىنىڭ ورتاسىنان باستاپ قالاعا پنەۆمونيا, Covid-19 جانە باسقا دا اۋرۋلاردى ەمدەۋ ءۇشىن 110 تونناعا جۋىق ءدارى-دارمەك جەتكىزدى.
