ەلوردا • 31 شىلدە، 2020

ەلوردالىق ەرىكتىلەر مۇقتاج جاندارعا قۇرباندىق ەتىن تاراتۋدا

25 رەت كورسەتىلدى

قۇربان شالۋ ءراسىمى تەك ونلاين ۇيىمداستىرىلادى. قۇربان شالۋ ءۇشىن "Qurban2020.kz" سايتى ىسكە قوسىلدى. ءداستۇرلى قۇربان شالۋ ورىندارى جابىق بولادى. بۇل تۋرالى ەلوردا اكىمدىگىنىڭ رەسمي سايتى حابارلايدى، دەپ جازادى Egemen.kz

قۇرباندىق ەتى الەۋمەتتىك كومەككە مۇقتاج وتباسىلارعا بولىنەدى. قازىرگى ۋاقىتتا ەلوردا مەشىتىنە از قامتىلعان وتباسىلاردان 4 مىڭنان استام ءوتىنىش كەلىپ تۇسكەن. الەۋمەتتىك كومەكتى تاراتۋعا 500-گە جۋىق ەلوردالىق ەرىكتى مەن 200 اۆتوۆولونتەر كومەكتەسىپ، ءوز كولىكتەرىمەن مۇقتاج ادامداردىڭ ۇيىنە دەيىن جەتكىزەدى.

ايتا كەتۋ كەرەك، ەرىكتىلەر ەتتى بولۋدەن باستاپ، جەتكىزۋگە دەيىن باسى-قاسىندا جۇرەدى. قوعامدىق قاۋىپسىزدىكتى، ادامداردىڭ كوپ جينالماۋىن قامتاماسىز ەتۋ ماقساتىندا قالا اۋماعىندا ورنالاسقان ءداستۇرلى قۇربان شالۋ ورىندارى (بازارلار، شارۋا قوجالىقتارى) جابىق بولادى. قاشىقتان قۇربان شالۋدى ۇيىمداستىرۋ ماقساتىندا Qurban2020.kz سايتى ىسكە قوسىلدى. اتالعان سايتتا كەز كەلگەن ازامات ونلاين تۇردە قۇربان شالۋعا تاپسىرىس بەرە الادى.

قۇرباندىققا سويىلعان ەت تۇگەلدەي الەۋمەتتىك كومەككە مۇقتاج وتباسىلارعا ۇلەستىرىلەدى. "Qurban2020.kz" سايتىندا مۇقتاج جاندارعا ارنايى "قۇرباندىق ەتىن الۋ ءۇشىن ءوتىنىش قالدىرۋ" فۋنتسياسى دا ىسكە قوسىلدى. ءتيىستى قۇجاتتاردى جۇكتەۋ ارقىلى مۇقتاج وتباسىلار الەۋمەتتىك كومەك الۋ ءۇشىن ونلاين ءوتىنىش جولداي الادى. سونىمەن قاتار ەلوردا اۋماعىنا ساتۋ ماقساتىندا ءىرى قارا مال مەن قوي كىرگىزۋ شەكتەلەدى. ءدىن ىستەرى باسقارماسى تۇرعىنداردى سانيتارلىق-ەپيدەميالىق قاۋىپسىزدىك ەرەجەلەرىن ساقتاۋعا شاقىرادى. بيىل قۇربان ايت مەرەكەسى 31 شىلدە مەن 2 تامىز ارالىعىندا وتەدى.

سوڭعى جاڭالىقتار

ۇقساس جاڭالىقتار