ايماقتار • 31 شىلدە، 2020

ەلوردادا سانيتارلىق تالاپتاردىڭ ساقتالۋى بويىنشا رەيدتەر جالعاسۋدا

13 رەت كورسەتىلدى

پوليتسيا قىزمەتكەرلەرى، ەپيدەميولوگتار، ەرىكتىلەر مەن جەرگىلىكتى اتقارۋشى ورگاندار وكىلدەرىنەن قۇرالعان ءموبيلدى توپتارى كارانتين ءتارتىبىن بۇزۋشىلىقتاردى انىقتاۋ جۇمىستارىن جالعاستىرۋدا، دەپ حابارلايدى نۇر-سۇلتان اكىمدىگىنىڭ رەسمي سايتى.

جالپى، 5 شىلدەدەن باستاپ نۇر-سۇلتان قالاسىندا 570 بۇزۋشىلىق تىركەلدى. ونىڭ 224-ءى ماسكا تاعۋ، الەۋمەتتىك قاشىقتىق ساقتاۋدىڭ مىندەتتى تالابىن، 346-ى تىيىم سالىنعان ۋاقىتتا قىزمەتىن جۇزەگە اسىرعان كاسىپكەرلىك سۋبەكتىلەرىنىڭ كارانتين ءتارتىبىن بۇزۋىمەن بايلانىستى. بۇزۋشىلىقتار بويىنشا ماتەريالدار تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە بەرىلدى. رەيد كەزىندە پوليتسيا ويىن-ساۋىق مەكەمەلەرىن، قوعامدىق تاماقتانۋ ورىندارىن، ساۋنالار مەن مونشالاردى تەكسەرىپ، يەلەرىنە قازىرگى كارانتين شارالارى تۋرالى ەسكەرتەدى.

"29 شىلدە، تۇنگى ساعات 1-دە اۋماقتى تەكسەرۋ بارىسىندا مومىش ۇلى كوشەسىندەگى باردىڭ باس سانيتارلىق دارىگەرمەن بەكىتىلگەن ەرەجەلەردى بۇزا وتىرىپ جۇمىس جاساعان انىقتالدى. بار كەلۋشىلەرگە الكوگولدىك ىشىمدىكتەردى وزىمەن بىرگە الىپ كەتۋ بويىنشا قىزمەت كورسەتكەن. سول كۇنى ءموبيلدى توپ قابانباي باتىر كوشەسىنىڭ بويىنداعى كوفەحانانىڭ تۇنگى ۋاقىتتا جۇمىس جاساعانىن انىقتادى. وندا كەلۋشىلەرگە كاليان ۇسىنىلعان. كەلۋشىلەرگە قراقبتك-ءتىڭ 441-بابى بويىنشا جەتى اكىمشىلىك حاتتاما جاسالدى. ال مەكەمە اكىمشىسىنە قاتىستى جينالعان ماتەريالدار اكىمشىلىك ءىس قوزعاۋ ءۇشىن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جىبەرىلدى. سونىمەن قاتار بوكەيحان كوشەسىندەگى كومپيۋتەر كلۋبىنىڭ 29 جاستاعى يەسى 30-دان استام كەلۋشىنى قابىلداعان. ۆيرتۋالدى ويىنشىلار قاشىقتىق ساقتاماي، سانيتارلىق-ەپيدەميولوگيالىق نورمالاردى بۇزعان"، - دەدى نۇر-سۇلتان قالالىق پوليتسيا دەپارتامەنتىندە.

كارانتين ءتارتىبىن بۇزۋشىلارعا 30-دان 230 ايلىق ەسەپتىك كورسەتكىشكە دەيىن ايىپپۇل سالىنۋى مۇمكىن. نۇر-سۇلتان پوليتسيا دەپارتامەنتى ازاماتتارعا كارانتين ءتارتىبىن بۇزعانى ءۇشىن جاۋاپكەرشىلىك قاراستىرىلعانىن ەسكەرتىپ، سانيتاريا نورمالارىن ساقتاۋعا شاقىرادى. ايتا كەتەيىك، پوليتسيا قىزمەتكەرلەرى مەن ەرىكتىلەر دە كارانتين ءتارتىبىنىڭ ساقتالۋىن پىسىقتادى. رەيدتىك شارالار "شاپاعات" كوممۋنالدىق بازارىنىڭ ماڭىندا جانە "اقجايىق" ساياباعىندا ءوتتى. تۇرعىندار مەن بيزنەس وكىلدەرىنە مىندەتتى تۇردە ماسكا تاعۋ، سونىمەن قاتار الەۋمەتتىك قاشىقتىق ساقتاۋ تۋرالى ەسكەرتىلدى.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار