نۇر-سۇلتان اكىمدىگى كوروناۆيرۋس ينفەكتسياسى مەن پنەۆمونيامەن كۇرەسۋدە ءتيىمدى شارالار قابىلداۋدا. بۇعان شىلدە ايىنىڭ باسىنان باستاپ قابىلدانعان ناۋقاستار سانىنىڭ تومەندەۋ ديناميكاسى دالەل. قابىلدانعان شارالار مەن قالا ەمحانالارىندا امبۋلاتوريالىق ەمدەۋدى كۇشەيتۋ ناتيجەسىندە جەدەل جاردەم ستانتسياسىنا قوڭىراۋلار سانى ءۇش ەسە ازايدى – تاۋلىگىنە 3 مىڭنان 1000 ادامعا دەيىن, پنەۆمونيامەن اۋرۋحاناعا تۇسكەن ناۋقاستار سانى 67,5% ازايدى. توسەك-ورىن قورىنىڭ جۇمىس جۇكتەمەسى 99%-دان 39%-عا دەيىن تومەندەدى.
كوروناۆيرۋس جۇقتىرۋدى تومەندەۋىنىڭ وڭ ديناميكاسى بايقالادى. شىلدەنىڭ باسىنان ستاتسيونارلارعا تۇسكەن ناۋقاستار سانى 4 ەسە – كۇنىنە 400-دەن 100-گە دەيىن ازايدى. 30 شىلدەدەگى جاعداي بويىنشا, نۇر-سۇلتان قالاسىندا 10 796 كوروناۆيرۋستىق ينفەكتسيا جاعدايى تىركەلدى, 7 895 ادام ەمدەلىپ شىقتى. COVID-19 -دىڭ تومەندەۋ ديناميكاسىن ساقتاۋ ءۇشىن بارلىق ازاماتتار قاتاڭ سانيتاريا نورمالارىن: ماسكا تاعىپ, قاشىقتىق ساقتاۋى قاجەت.
