رۋحانيات • 31 شىلدە، 2020

الماتىدا ەرىكتىلەر ەت تاراتادى

34 رەت كورسەتىلدى

الماتىلىق ەرىكتىلەر قۇرباندىققا شالىنعان ەتتى مۇقتاجدارعا تاراتۋعا كومەكتەسەدى. بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين-بريفينگ بارىسىندا الماتى قالاسىنداعى ء"ابۋ باكىر" مەشىتىنىڭ باس يمامى اسەت اتاشوۆ ايتتى، دەپ حابارلايدى Egemen.kz

كوروناۆيرۋس ينفەكتسياسىنىڭ تارالۋىن بولدىرماۋ جانە تۇرعىندار قاۋىپسىزدىگىن ساقتاۋ ماقساتىندا  31 شىلدە مەن 2 تامىز ارالىعىنداعى قۇربان ايت  مەيرامى كەزىندەگى قۇرباندىق شالۋ ءراسىمى  ونلاين فورماتتا  وتەتىنى بۇعان دەيىن حابارلانعان بولاتىن. كەز-كەلگەن الماتىلىق قۇرباندىق شالۋعا ءوتىنىشتى  Qurban2020.kz  پورتالىنا كىرۋ ارقىلى بەرە الادى. ول ءۇشىن اتالعان مازىردەگى قاجەتتى جولاقتاردى تولتىرىپ، قۇرباندىققا شالاتىن مالدى تانداپ، اقشاسىن تولەۋى قاجەت. "قۇرباندىق شالىنعاندىعى تۋرالى ەسەپ،  تاپسىرىس بەرۋشىگە ءاپ ساتتە جىبەرىلەتىن بولادى"، دەيدى جوبا وكىلدەرى.

اتالعان سايتتىڭ كومەگىمەن  مۇقتاج جاندار دا قۇرباندىق ەتىن الۋعا ءوتىنىش تاستاي الادى. اكىمدىكتە الەۋمەتتىك جاعىنان از قامتىلعان وتباسىلار ءتىزىمى بار. ولارعا ءوتىنىش بەرگەن-بەرمەگەنىنە قاراماستان قۇرباندىق ەتى ۇلەستىرىلەتىن بولادى. وسى ماقساتتا ارنايى شتاب تا قۇرىلعان.

"قۇرباندىققا ەتى مۇقتاج وتباسىلارعا بەرىلەتىن بولادى. بۇل ءۇشىن الماتىدا ارنايى شتاب قۇرىلدى. سونداي- اق ەرىكتىلەر دە بۇل قايىرىمدى ىسكە جۇمىلدىرىلىپ وتىر. جاراتۋشىدان ساۋاپ ءۇمىت ەتىپ، حالىقتىڭ العىسىن الساق دەگەن ازاماتتارعا اللا رازى بولسىن"، دەيدى ء"ابۋ باكىر" مەشىتىنىڭ  يمامى  اسەت اتاشوۆ.

ەستە بولسا،  الماتى قالاسى اكىمدىگى كارانتيننىڭ العاشقى كۇنى «جاستار لوفت» وتالىعىنىڭ بازاسىندا شۇعىل ەرىكتىلەر شتابىن قۇرعان بولاتىن. ونىڭ قۇرامىنا قالا ەرىكتىلەرى مەن مەديتسينا جانە قوعامدىق مەكەمەلەر كىردى. شتابتىڭ نەگىزگى جۇمىسى – قىسىلعان جاندارعا قول ۇشىن سوزۋ.    

ەرىكتىلەر قاۋىپسىزدىگى ءۇشىن ارنايى كيىم، مەديتسينالىق بەتپەردە، انتيسەپتيك سەكىلدى بارلىق قورعانىس جاعدايلارى جاسالعان.

ولار قۇربان ايت كۇندەرى تاڭعى ساعات  8.00-دەن كەشكى 20.00-گە دەيىن ءۇزىلىسسىز جۇمىس ىستەيتىن بولادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار