"بارشالارىڭىزدى كەلىپ جەتكەن قاسيەتتى قۇربان ايت مەرەكەسىمەن قۇتتىقتايمىن!
قۇربان ايت حالىقتىڭ بىرلىگى مەن قوعامداعى كونفەسسياارالىق كەلىسىمدى نىعايتۋعا ىقپال ەتەتىن شىن مانىندەگى ماڭىزدى مەرەكەگە اينالدى.
رۋحاني-ادامگەرشىلىك قاسيەتتەردى, تاريحي داستۇرلەر مەن ۇلتتىق ادەت-عۇرىپتاردى بەينەلەيتىن قۇربان ايت تەك مۇسىلمانداردى عانا ەمەس, بۇكىل ادامزاتتى مەيىرىمدىلىك, توزىمدىلىك پەن قۇرمەت كورسەتۋگە شاقىرادى.
ادام بالاسىنىڭ باقىتتى ءارى ماعىنالى ءومىرىن تەك ماتەريالدى يگىلىكتەر عانا قۇرامايدى. باياندى باقىتقا جەتۋدە رۋحاني نەگىزدەردىڭ ماڭىزدى ورىن الاتىنى ءسوزسىز.
بيىل كوروناۆيرۋس ىندەتىنىڭ تارالۋىنا بايلانىستى حالىقتىڭ دەنساۋلىعىن ساقتاۋ جولىندا كوپتەگەن مەيرامدار مەن ءىس-شارالاردى اتاپ ءوتۋ توقتاتىلعانى بارشامىزعا ءمالىم. COVID-19 ىندەتى ءبىزدى كوپتەگەن دۇنيەگە جاڭا كوزقاراسپەن قاراۋعا ءماجبۇر ەتتى. وسى ۋاقىتتا ءبىر-بىرىمىزگە قامقورلىق پەن شىدامدىلىق ۇلگىسىن كورسەتۋ بارىنشا ماڭىزعا يە.
بۇگىنگى قۇربان ايت مەرەكەسى رۋحاني سەرپىلىسىمىزگە سەبەپكەر بولىپ, ءاربىر شاڭىراققا قۇت-بەرەكە اكەلسىن.
بارشالارىڭىزعا زور دەنساۋلىق, بەرەكە, باقىت تىلەيمىن! ايت قابىل بولسىن!", دەپ جازدى انار جايلعانوۆا.
