رۋحانيات • 31 شىلدە، 2020

قايىرىمدىلىق مادەنيەتىن ناسيحاتتايدى

44 رەت كورسەتىلدى

نۇر-سۇلتان قالاسىندا «جاستار مەن بالالار اراسىندا قايىرىمدىلىقتى دارىپتەۋ» جوباسىنىڭ تۇساۋكەسەرىنە ارنالعان ءباسپاسوز ءماسليحاتى ءوتتى.

جوبانى اقپارات جانە قو­عام­دىق دامۋ مينيسترلىگىنىڭ قول­داۋىمەن «ازاماتتىق باستامالار­دى قولداۋ ورتالىعى» كەاق گران­تى اياسىندا «ارناۋ» دامۋ ورتا­لىعى» قوعامدىق بىرلەستىگى ۇيىم­داس­تىردى.

ابقو باسقارما توراعاسى ءبا­تي­ما مۋكينا كونفەرەنتسيا بارىسىندا جوبانىڭ وزەكتىلىگىن اتاپ ءوتىپ، ونى جۇزەگە اسىرۋعا بارىنشا قولداۋ كورسەتۋگە دايىن ەكەنىن ءبىلدىردى.

«بۇل – ازاماتتىق باستامالاردى قولداۋ ورتالىعى جۇزەگە اسىراتىن قايىرىمدىلىقپەن بايلانىستى العاشقى جوبا. قازاقستانداعى كارانتين رەجىمى كەزەڭىندە وتە وزەكتى بولىپ وتىرعان گرانتتى «ارناۋ» ورتالىعىنىڭ باسشىسى ۇلان ابىشەۆتىڭ ۇتىپ العانىنا قۋانىشتىمىن. باستامالارىنا ساتتىلىك تىلەيمىن. ءبىز ءوز كەزەگىمىزدە جوبانى ىسكە اسىرۋعا دايىنبىز. جوبانىڭ ءتيىمدى بولۋىن جانە ەڭبەكتىڭ تۇپكىلىكتى ماقساتىنا جەتۋىن قالايمىن»، دەدى ب.مۋكينا.

«ارناۋ» دامۋ ورتالىعى» قوعامدىق بىرلەستىگىنىڭ باسشىسى ۇلان ابىشەۆ «امال» جوباسىنىڭ ماقساتى مەن مىندەتتەرى تۋرالى باياندادى.

«نەلىكتەن ءبىز بۇل جوبانى «امال» دەپ اتادىق؟ بۇل ءسوز «ارە­كەت»، «قيمىل» دەگەندى بىلدىرەدى جانە بۇل جوبانىڭ فيلوسوفياسىنا، يدەولوگياسىنا سايكەس كەلەدى. قايىرىمدىلىق مادەنيەتىن كوپ­شىلىككە ناسيحاتتاعىمىز كەلەدى. بۇل ماسەلە اسىرەسە پاندەميا كە­زىندە وزەكتى. ءبىز بۇرىنعىدان دا جۇمىلىپ، بىرلىگىمىزدى كورسەتۋىمىز كەرەك»، دەدى ۇ.ابىشەۆ.

ءباسپاسوز ءماسليحاتى بارىسىندا «احىسكا» تۇرىك ەتنو مادە­نيەت ورتالىعى» قوعامدىق بىرلەس­تىگى فيليالىنىڭ توراعاسى اسكەر پيريەۆ قازاقستانداعى قايى­رىم­دىلىق قىزمەتتىڭ پراكتيكالىق اسپەكتىلەرىنە توقتالدى.

«ادامنىڭ تابيعاتىندا مۇق­تاج ادامدارعا كومەكتەسۋگە دەگەن ۇمتىلىس بار. اسىرەسە، ءبىزدىڭ حال­قىمىزدا. قايىرىمدىلىق جاساۋشىلار مۇقتاج ادامدارعا كومەك­تەسىپ قانا قويماي، كەرىسىنشە، مۇقتاج ادامدار قايىرىمدىلىق جاساۋشىلارعا رۋحاني تۇرعىدان كومەك­تەسەتىنىن ءتۇسىنۋ كەرەك. سوڭ­عى 10-15 جىلداعى تاجىري­بەمدە قا­يى­رىمدىلىق قىزمەتىن ۇي­لەس­تىرۋ وتە قيىن ەكەنىن بايقا­دىم. سون­داي-اق يگى ىستەر جاساۋ ءۇشىن باي ادام بولۋدىڭ قاجەتى جوق دەگىم كەلەدى. ۇلكەن جۇرەك پەن تىلەك جەت­كىلىكتى»، دەدى ا.پيريەۆ.

نۇر-سۇلتان قالاسىنىڭ ازا­ماتتىق باستامالار ورتالىعىنىڭ باسشىسى ماحاببات ەسپەنوۆا ءوز سوزىندە قايىرىمدىلىق قازاق حالقىنىڭ مادەنيەتى مەن تاري­حى­نىڭ اجىراماس بولىگى ەكەنىن ەسكە سالدى.

«امال» جوباسى «رۋحاني جاڭ­عىرۋ» باعدارلامالىق ماقا­لاسىنىڭ ارقاۋىنا جانە ۇلتتىق، ازاماتتىق بىرەگەيلىك، پراگماتيزم قاعيداتتارىنا ساي كەلەدى. ەگەر ءبىزدىڭ بالالارىمىز، جاستارىمىز قايىرىمدىلىق تۋرالى كوبىرەك بىلەتىن بولسا، ونىڭ قانشالىقتى ماڭىزدى جانە پايدالى ەكەنىن تۇسىنسە، وندا ءبىزدىڭ قوعام ءوزىنىڭ فورماتىن وزگەرتىپ، پروگرەسسيۆتى جانە ىزىگىلىكتى قوعامعا اينالادى. ءدال وسى ازاماتتىق قوعام ەلىمىزدىڭ تابىستى بولۋىنا جانە حالىقتىڭ بارلىق توبى ءۇشىن ساپالى ءومىر سۇرۋىنە كومەكتەسەتىن الەۋمەتتىك كاپيتالدى جيناقتايدى»، دەپ اتاپ ءوتتى م.ەسپەنوۆا.

«جاستار مەن بالالار اراسىندا قايىرىمدىلىقتى دارىپتەۋ» كەشەندى اقپاراتتىق-ءتۇسىندىرۋ الەۋمەتتىك جوباسىنىڭ ماقساتى – قازاقستانداعى قايىرىمدىلىق پروتسەستەرىن ستاندارتتاۋ جانە جۇيەلەۋ، ادامداردى بىرىكتىرە وتىرىپ، يگى ىستەر جاساۋ، مۇقتاج ادامدارعا كومەكتەسۋ، سونداي-اق جاستار اراسىندا قايىرىمدىلىق مادەنيەتىن ارتتىرۋ.

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار