ولار – پروۆيزورلىق ستاتسيونارلاردا قىزمەت ەتكەن دارىگەرلەر مەن ورتا جانە كىشى دارەجەدەگى مەديتسينالىق قىزمەتكەرلەر. جەدەل جاردەمدە قىزمەت ەتكەن دارىگەرلەر مەن فەلدشەرلەر دە وسى ساناتقا كىرەدى. بىراق سانى جاعىنا كەلەتىن بولساق, قوسىمشا اقى العانداردىڭ 52 پايىزى – ءۇشىنشى توپتاعى تاۋەكەل ايماعىندا جۇمىس ىستەيتىندەر. ولاردىڭ سانى شىلدەنىڭ سوڭىندا 80,5 مىڭ ادامعا جەتتى. تاۋەكەلى اسا قاۋىپتى جاعدايدا قىزمەت ەتىپ, قوسىمشا اقى العان مامانداردىڭ دا سانى دا ارتىپ كەلەدى. ولاردىڭ سانى رەسپۋبليكا بويىنشا ناۋرىز ايىندا 19 مىڭ بولسا, قازىر 53 مىڭ ادامنان اسقان.
وسى قور ارقىلى قوسىمشا قاراجات العانداردىڭ سانى كەيبىر وبلىستاردا نەگىزسىز اسىپ كەتكەنى دە بەلگىلى بولدى. سونىڭ ىشىندە سولتۇستىك قازاقستان وبلىسىنىڭ ماماندارىنا 101 ملن تەڭگەنى ارتىق تولەگەنى انىقتالدى. وڭىردە قوسىمشا اقى الۋشىلاردىڭ اراسىنا اكىمشىلىك بلوكتىڭ قوسىمشا پەرسونالدارىن دا ەنگىزىپ قويىپتى. سونىڭ ىشىندە كىر جۋاتىندار, كارتوپ تازالايتىندار, ءتىپتى سانتەحنيكتەرگە دەيىن ەنىپ كەتكەن ەكەن. ولار مەديتسينالىق قىزمەتكەرلەر بولماعاندىقتان قوردان تولەنگەن قوسىمشا قاراجات قايتارىلعان. ارينە ولاردىڭ دا ەڭبەگىن ىنتالاندىرۋعا بولادى, بىراق قوردىڭ ەسەبىنەن ەمەس, مەديتسينالىق مەكەمەنىڭ ءوز ەسەبىنەن نەمەسە جەرگىلىكتى بيۋدجەتتىڭ كومەگى ارقىلى عانا.
ىندەتپەن كۇرەستە سوڭعى كەزدەرى جەكە ازاماتتاردىڭ, بيزنەس وكىلدەرىنىڭ حالىققا جاساعان جاناشىرلىعى كوپ ايتىلىپ جاتىر. دەگەنمەن مەملەكەت تە قاراپ وتىرعان جوق, مەملەكەتتىك الەۋمەتتىك ساقتاندىرۋ قورى ەسەبىنەن اۋىر سىناقتان حالقىمىزدى قۇتقارۋعا كومەكتەسىپ جاتىر. 28 شىلدەدەگى مالىمەتكە قاراعاندا, تابىسىنان ايىرىلعان, كۇندەلىكتى ناپاقاسىن جوعالتقان 1,8 ملن-نان استام قازاقستاندىق 42 500 تەڭگەدەن وسى قوردان بىرجولعى كومەك الدى. شەكتەۋ شارالارىن ەنگىزۋگە بايلانىستى تابىسىنان ايىرىلعان 2,2 ملن ادامنان مەملەكەتتىك الەۋمەتتىك ساقتاندىرۋ قورىنان ەڭ تومەنگى جالاقى – 42 500 تەڭگە مولشەرىندە بىرجولعى تولەم تاعايىنداۋعا سۇراعان ءوتىنىش تۇسكەن ەدى. سونىڭ ىشىندە تولەم 1,9 ملن ادامعا تاعايىندالىپ, 1 ملن 820 مىڭ ادام اقشالاي كومەكتى الدى.
قازاقستاندىقتاردىڭ بىرجولعى تولەمدى سۇراعان وتىنىشتەرىنىڭ 822,1 مىڭى پرواكتيۆتى فورماتتا, 554,3 مىڭى Egov.kz پورتالى جانە telegram-بوتتار, 287,6 مىڭى
enbek.kz پورتالى, 569,6 مىڭى ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى تۇسكەن.
17 شىلدەدەن باستاپ جەكە كاسىپكەرلەردەن, جەكە پراكتيكامەن اينالىساتىن ادامداردان, ازاماتتىق-قۇقىقتىق سيپاتتاعى شارتتار بويىنشا تابىس الاتىن جەكە تۇلعالاردان دا وتىنىمدەر قابىلدانا باستادى. سونىمەن قاتار جالاقى ساقتالمايتىن دەمالىسقا جىبەرىلگەن جالدامالى قىزمەتكەرلەر ءۇشىن ءوتىنىمدى جۇمىس بەرۋشى عانا بەرەتىنىن اتاپ ءوتۋ قاجەت. ءوتىنىش قابىلداۋ 2020 جىلدىڭ 1 قىركۇيەگىنە دەيىن جالعاسادى.
جۋىردا ەڭبەك, الەۋمەتتىك قورعاۋ جانە ميگراتسيا كوميتەتىنىڭ سولتۇستىك قازاقستان وبلىستىق دەپارتامەنتىنىڭ باسشىسى مەرەكە مۇحامەدياروۆ مەملەكەتتىك الەۋمەتتىك مەكەمەلەردە, ارنايى الەۋمەتتىك كومەك كورسەتۋ ۇيىمدارىندا ەپيدەمياعا قارسى كورسەتىلەتىن ءىس-شارالار بويىنشا اقپارات بەردى.
سولتۇستىك قازاقستان وبلىسى بويىنشا مۇگەدەكتەردى ەپيدەميادان الەۋمەتتىك قورعاۋ ارنايى الەۋمەتتىك قىزمەت كورسەتۋ سالاسىنداعى زاڭنامالاردىڭ ورىندالۋىنا مەملەكەتتىك باقىلاۋدى جۇزەگە اسىرۋ ويداعىداي جۇرگىزىلۋدە. وسى ماقساتتا مۇگەدەكتەردىڭ مەديتسينالىق-الەۋمەتتىك مەكەمەلەرىندە جانە وسىنداي قىزمەت كورسەتەتىن باسقا دا ۇيىمداردا ارنايى الەۋمەتتىك قىزمەتتى ساپالى, تولىق جانە ۋاقىتىندا الۋىنا الەۋمەتتىك ينفراقۇرىلىمدار وبەكتىلەرىنىڭ مۇگەدەكتەرگە قولجەتىمدىلىگىن قامتاماسىز ەتۋدىڭ وڭالتۋ جۇمىستارىنا جانە ارنايى الەۋمەتتىك قىزمەتتى ساپالى الۋىنا قاتاڭ باقىلاۋ جۇرگىزىلەدى.
ەلىمىزدە كوروناۆيرۋستىق ينفەكتسيانىڭ تەز تارالۋىنا بايلانىستى, مەكەمە قىزمەتكەرلەرى مەن قىزمەت الۋشىلاردىڭ قاۋىپسىزدىگىن قامتاماسىز ەتۋ ماقساتىندا جۇرگىزىلىپ جاتقان جۇمىستار دا دەپارتامەنتتىڭ تۇراقتى باقىلاۋىنا الىنعان. بۇگىنگى تاڭدا وبلىستىڭ مەديتسينالىق-الەۋمەتتىك مەكەمەلەرىندە 1637 ادام ەسەپتە تۇرادى, ولاردىڭ ىشىندە: 141-ءى ءبىرىنشى توپ مۇگەدەگى, 1212-ءسى ەكىنشى توپ مۇگەدەگى, 44-ءى مۇگەدەك-بالا ساناتىنداعى قىزمەت الۋشىلار جانە 240 قارت كىسىلەر. وسى مەكەمەلەردە دە بىرقاتار شەكتەۋ شارالارى قولعا الىنعان. سونىڭ ىشىندە ەپيدەمياعا قارسى سانيتارلىق ءىس-شارالار كەشەنىن وتكىزۋ ۇيىمداستىرىلىپ, كۇشەيتىلگەن زارارسىزداندىرۋ مەن گيگيەنالىق تالاپتاردى ساقتاۋ تارتىپتەرى ەنگىزىلگەن. قۇرىلىمدىق بولىمشەلەردە قولعا ارنالعان سانيتارلىق قۇرىلعىلار, مەكەمە قىزمەتكەرلەرى ءۇشىن انتيسەپتيكالىق قۇرالدارمەن سانيتارلىق ايماقتار تەگىس جابدىقتالعان. بارلىق مەكەمەلەر ءبىر رەت قولدانىلاتىن بەتپەردەلەرمەن, قولعاپتارمەن, انتيسەپتيكتەرمەن قامتاماسىز ەتىلگەن. وسىنداي قۇرالداردىڭ قورى مول. ناقتى ايتقاندا, 80 601 بەتپەردە, 64 055 جۇپ قولعاپ, 1 666 ليتر انتيسەپتيك بار.
سولتۇستىك قازاقستان وبلىسى
