جۇمىس بارىسى قورعانىس ۆەدومستۆوسىنىڭ باسشىسىنىڭ جەكە باقىلاۋىندا. قورعانىس ءمينيسترىنىڭ ارىس گارنيزونىنا جۇمىس ساپارى تۇراقتى نەگىزدە ورىندالادى.
جەدەل توپتىڭ اعا باسشىسى پولكوۆنيك ن.قونىسوۆتىڭ بايانداماسىن تىڭداپ, قورعانىس ۆەدومستۆو باسشىسى اۋماقتى ارالاپ, وق-دارىلەردىساقتاۋ ءتارتىبى مەن جاعدايىمەن تانىستى. ارسەنالدىڭ ينفروقۇرىلىمىن جانە تەحنيكالىق ايماعىن قارادى. ول اسكەري قىزمەتشىلەرمەن كەزدەسە وتىرىپ, ينجەنەرلىك بولىمشەلەرگە وق-دارىلەردىڭ فراگمەنتتەرىن جويۋ بويىنشا ناقتى نۇسقاۋلار بەردى.
نۇرلان ەرمەكباەۆ كەزەكتى رەت, ارنايى مامانداندىرىلعان پوليگونداعى جارىلۋ قاۋپى بار فراگمەنتتەردى جويۋ بويىنشا قازۋ جۇمىسىنىڭ بارىسىمەن تانىستى.
قابىلدانعان شارالار ارىستاعى جانە ماڭىنداعى حالىق ءۇشىن قاجەتتى قاۋىپسىزدىك دەڭگەيىن قامتاماسىز ەتۋگە مۇمكىندىك بەرەدى. نەگىزگى جۇمىستار №1 تەحنيكالىق اۋماقتا, جانە ونىڭ اينالاسىنداعى 20 شاقىرىم ايماقتا جۇرگىزىلۋدە. ماقساتى, كەز-كەلگەن كۇدىكتى زاتتاردى ىزدەۋ بولىپ تابىلاتىن تۇتاس تازارتۋ جۇمىستارى ءۇشىنشى رەت جۇرگىزىلۋدە.
جيىنتىق جاساقتاردىڭ اسكەري ماماندارىنىڭ جوعارى پسيحولوگيالىق جانە فيزيكالىق جۇكتەمەلەرىنە بايلانىستى ولاردى روتاتسيالاۋ تۇراقتى نەگىزدە جۇرگىزىلەدى.
اسكەري قىزمەتشىلەردىڭ داعدىلارى جاقسارعانى بايقالىپ, ءتيىمدى جاۋىنگەرلىك تاجىريبە جينادى. اسكەريلەر وڭىردەگى بارلىق بيلىك ورگاندارىمەن تىعىز قارىم-قاتىناس ورناتتى, وق-دارىلەر تابىلعان جەرگە بارۋ ءۇشىن ءموبيلدى توپتار قۇردى, جەرگىلىكتى تۇرعىندارعا دا مەديتسينالىق كومەك كورسەتە الاتىن, مەديتسينالىق قامتاماسىز ەتۋدى ۇيىمداستىردى.
جاعدايىدىڭ سالدارىن جويۋ ءۇشىن اسكەري ءبولىمنىڭ تەحنيكالىق ايماعىندا 900-گە جۋىق اسكەري قىزمەتشى مەن 130 بىرلىك ارنايى جانە اسكەري تەحنيكا جۇمىلدىرىلدى, بارلىق قاۋىپسىزدىك شارالارى تولىق كولەمدە ساقتالدى, سونىمەن قاتار جارىلىس قاۋپى بار جانە جارىلىس قاۋپى جوق زاتتاردى ىزدەۋ جانە سۇرىپتاۋ جۇزەگە اسىرىلۋدا.
اسكەري قىزمەتشىلەردىڭ تۇرعىن قالاشىعىنىڭ ينفراقۇرىلىمى تولىقتاي قالپىنا كەلتىرىلدى.
الدىن الا قابىلدانعان شارالار كەشەنى سالداردى بارىنشا ازايتۋعا مۇمكىندىك بەردى. وعان رەسەيدەگى, اقش-تاعى جانە بۇۇ-نىڭ ميناعا قارسى ورتالىعىنداعى ساراپشى ماماندارىنىڭ قورىتىندىلارى كۋا.
تەكسەرۋ اياقتالعاننان كەيىن قورعانىس ءمينيسترى جەكە قۇرامعا العىس ايتىپ, كۇردەلى كليماتتىق جانە ەپيدەميولوگيالىق جاعدايلارىندا جۇمىستارىن جالعاستىرعان بارلىق قىزمەت پەن بولىمشەلەردىڭقۇراما جاساقتىڭ قىزمەتىنە جوعارى باعا بەردى.
