تاعايىنداۋ • 30 شىلدە، 2020

اللەن ءشايجۇنىسوۆ QazExpoCongress-تىڭ باسقارما توراعاسى بولىپ تاعايىندالدى

271 رەت كورسەتىلدى

ساۋدا جانە ينتەگراتسيا ءمينيسترىنىڭ بۇيرىعىمەن ءشايجۇنىسوۆ اللەن سەرجان ۇلى "QazExpoCongress" ۇك" اق باسقارما توراعاسى قىزمەتىنە تاعايىندالدى. بۇعان دەيىن وسى لاۋازىمدى اتقارعان ە. شورمانوۆ بەرگەن وتىنىشىنە سايكەس قىزمەتىنەن بوساتىلدى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايىدى.

اللەن ءشايجۇنىسوۆ 1981 جىلى شىعىس قازاقستان وبلىسىندا تۋعان. رەسەي فەدەراتسياسى سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ينستيتۋتىن، قازاق قارجى-ەكونوميكا اكادەمياسىن بىتىرگەن. 

ەڭبەك جولىن 1998 جىلى "قازاقستانكابەل" جشس-نىڭ رەسەي فەدەراتسياسى بويىنشا مەنەدجەرى بولىپ باستادى. 

1999-2003 جج. — "قازاقستاندىق كابەلدىك كومپانياسى" جشس-نىڭ رەسەي فەدەراتسياسىنداعى وكىلدىگىنىڭ مەنەدجەرى.

2003-2006 جج. — رف-داعى قر ەلشىلىگىنىڭ ءۇشىنشى حاتشىسى، اتتاشە.

2006-2008 جج. — ماڭعىستاۋ وبلىسى اكىمىنىڭ اپپاراتى جەتەكشىسىنىڭ ورىنباسارى.

ءتۇرلى جىلدارى "نۇر وتان" حدپ ورتالىق اپپاراتى حاتشىلىعىندا، "سامۇرىق-قازىنا كونتراك" جشس-ىندا، قازاقستان رەسپۋبليكاسىنىڭ ۆەلوسيپەد سپورتى فەدەراتسياسىندا، قر سپورت جانە دەنە شىنىقتىرۋ ىستەرى اگەنتتىگىندە، "قازاقستان فۋتبول فەدەراتسياسى" زتب-دا، "استانا ەكسپو-2017" ۇك" اق-دا باسقارۋشىلىق قىزمەتتەردى اتقاردى.  

2020 جىلدىڭ قاڭتار ايىنان باستاپ قازىرگە دەيىن "QazExpoCongress" ۇك" اق باسقارما توراعاسىنىڭ ءبىرىنشى ورىنباسارى قىزمەتىندە بولدى.   

سوڭعى جاڭالىقتار

شەكتەن شىققان احۋال جوق

ايماقتار • بۇگىن، 15:02

ۇقساس جاڭالىقتار