COVID-19 پاندەمياسىنا, مۇناي باعاسىنىڭ تومەندەۋىنە, ۇلتتىق ۆاليۋتانىڭ دەۆالۆاتسياسىنا قاراماستان, جەڭىل ونەركاسىپتىڭ ناقتى كولەمىنىڭ اعىمداعى يندەكسى وڭ ديناميكانى كورسەتۋدە. 2020 جىلعى قاڭتار-ماۋسىمدا ءونىمنىڭ نكي 2019 جىلعى ءتيىستى كەزەڭىمەن سالىستىرعاندا 108%-دى قۇرادى. سالاداعى ءوسىم جەڭىل ونەركاسىپتىڭ بارلىق كىشى سالالارىندا بايقالادى.
توقىما بۇيىمدارىن ءوندىرۋ-108,4%, وڭ ناتيجە ماقتا تالشىعىن, ماقتا ماتالارىن جانە توسەك-ورىن جابدىقتارىن ءوندىرۋ كولەمىنىڭ وسۋىنە بايلانىستى. كيىم ءوندىرىسىنىڭ نكي ءوسۋى – 102,1% نەگىزىنەن مەملەكەتتىك تاپسىرىس بويىنشا ارنايى كيىم جەتكىزۋ, سونداي-اق covid-19 پاندەمياسىمەن كۇرەس كەزەڭىندە بەتپەردەلەر مەن ارنايى كيىم تىگۋ ەسەبىنەن قامتاماسىز ەتىلدى. جەرگىلىكتى اتقارۋشى ورگاندارمەن بىرلەسىپ بەتپەردەلەر وندىرىسىنە 70-تەن استام تىگىن كاسىپورىندارى تارتىلدى: "Dalatex" جشس, "بولشەۆيچكا" جشس, "ەكو-فارم" جشس, "قازلەگپروم" جشس, "جانارىس" جشس جانە ت. ب. بىلعارى جانە وعان جاتاتىن ونىمدەر ءوندىرىسىنىڭ ءوسۋى – 106,6% ارنايى اياق كيىم جەتكىزۋگە ساتىپ الۋ بويىنشا كەلىسىم-شارتتار جاساسقان اياق كيىم كومپانيالارى ەسەبىنەن نەگىزدەلگەن.
